شپه دی، قاردی،بوراندی،

بیر اوزون یول،

بیرده من.

قارا نایلون، بیر کیتاب،

ایکی کوت، کوهنه قلم،

بوز ووران اللریمی هووخورورام

هی گئدیرم.

شپه ده، قاردا، بوراندا

گئدیرم، دیسگینیرم.

***

بیلمه دیم "آب" ندی،

"نان"،

سؤيله مه هـ...ی،

کیمسه منه.

آنامین بال دیلی واردیر

آتامین دادلی چؤرک.

بال دیلینده چؤره گی

من نئجه "نان" سؤيله یرم؟.

یاناسان مکتب آچان

یاد دیلی نی تؤحفه قوران

منه گنجلیک زامانیمنان

یالانی رسمی سالان.