ایله تیشمه ۱: سعید بئی موغانلی‌نین اینسان حاق‌لارینی قوروماق کامپانیاسی
سای: ۵۴۲/۲۰۱۱
ایلایگون:۱۱ یول ۲۰۱۱
ب.م.ت، اینسان حاق‌لاری عذره آلی کومیسسارلیق، جئنئوره
لطفاً بو ایلتیشمنی اؤز-خوشونا توتوق‌لولار عذره چالیشان قروپا چات‌دیرین، هابئله آشاغی‌داکی قروپ‌لارا دا دخ‌لی وار:
قاضی‌لارین و وکیل‌لرین باغیم‌سیزلیغی عذره اؤزل راپورتر
بیان و فیکیر سربست‌لیگی‌نین ایرلیلییشی و قورونماسی عذره اؤزل راپورتئر
چاغداش ایرقچی‌لیک، ایرقی آیری-سچکی‌لیک و یادئل‌لی‌لره قارشی قاتلاشمازلیق عذره اؤزل راپورتر
میللی آزلیق‌لار عذره موستقیل متخصص
اوزو: دایک بئی، خانیم هاریسون، آمنئستی اینتئرناشنال، لندن
هابئله: اینسان حاق‌لارینی گؤزه تن و اینسان حاق‌لارینا قوللوقچو
سایین جناب‌لار
ایلتیشمه ۱: سعید بئی موغانلی‌نین اینسان حاق‌لارینی قوروماق کامپانیاسی
جناب سعید موغانلی‌نین اینسان حاق‌لارینی قوروماق اوچون ایلتیشمه ۱-ی حضورلارینیزا سونوروق کی، او گونئی آزربایجانین مدنی فعا‌لی‌دیر و بو آندا ایران یئتکی‌لی‌لری طرفین‌دن ۸ ژوئن-دان بری سربست‌لیک‌دن یوخسون ائدیلمیش. او بیر ژورنالیست، بیلیک‌لی و شاعردیر.
موغان‌لی بئی ۸ یون ۲۰۱۱ والیدئین ائوینده اونلارین گؤروشونه گئدنده یاخالاندی. ایندی بل‌لی‌دیر کی، او تبریزده بیر توتوق‌لولار یئرینده ساخلانماقدا و اونون توتوق‌لولوغونا توتاناق (بهانه) ایسه دئییلن‌لره گؤره بیر شئیرینده ایران ایسلام رئسپوبلیکاسی‌نین هانسیسا بیر آدی بل‌لی اولمایان رهبرینه توخونماق‌دیر. او وکیله ال-چاتاسی دئییل، لاکین یاخا‌لانان‌دان ۲ هفته سونرا والیدئینینه هبس‌خانا‌دان بیر زنگ ائتمیش و تبریزده ساخلانماسین‌دان سؤز آچسا دا، سوچلانماسی‌نین سببین‌دن سؤز آچا بیلمه‌ییب.
تکید ائتمک ایستییریک کی، بو ایلتیشمه‌نین ترتیبینده بیز موغان‌لی بیین عائله‌سی ایله یاخود بیر وکیل ایله علاقه قورمامیشیق. بونونلا کی، بو ایلتیشمه‌لر و سیزین ساوونما‌لارینیز گونئی آذربایجان‌لی فال‌لاری‌نین ساغلام‌لیق دورومونو گوجلندیریر، آنجاق بو ایلتیشمه‌نین مسولیتینی بیز اؤز بوینوموزا آلیریق و بو یول ایله اونون بوینون‌دان مسولیتی گؤتورمک ایستییریک.
موغان‌لی بیین اینسان و میللی حاق‌لارینی ساغلاماق اوچون سیزه مراجعت ائدیریک کی، اونون حاقیندا کامپانیا آپاراسینیز. آرخایینیق کی، سیزین کامپانیانیز اونون سربست‌لیگی و یاخا-قورتارماسی اوچون ان ائتگین یول‌دور. قاباقجا‌دان قایغینیز اوچون میننتداریق.
حؤرمت ایله:
بؤیوک رسولوغلو
دونیا آذربایجان‌لی‌لاری‌نین حاق‌لارینی مدافعه کومیته‌سی‌نین صدری
