English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

1 خورداد(22 مای) قیامی‌نین 10-جی ایل دؤنومو موناسیبتی ایله 10 تشکیلاتین گونئی آذربایجان تورک میللتینه موراجیعتی

(((حورمتلی وطنداشلار!

سئویندیریجی دیرکی ، ایش بیرلییی کومیته سی  ۲۱ آذرین ۷۰ ـ نجی ایل دؤنوموندن اعتیبارن ، گونئی آذربایجان  تشکیلاتلاریندان آلدیغی یئتکییه دایاناراق آنا دیل گونو و ۱ خورداد قیامی نین ۱۰ ـ نجو ایل دؤنومو  موناسیبتیله  حاضیرلادیغی تکلیف و بین الخالق  تشکیلات لارا گؤنده ریلن مکتوبلارا  بوتون تشکیلاتلاریمیزدیل بیرلییی ایله قول چکیلمیشلر.

 بو امکداشلیق  گوستریرکی ، آذربایجان تشکیلاتلاری  اؤلکه میزین اسارتده اولان  آغیر شراییطینی و منطقه میزده  اولوب ـ بیتن لری  دوزگون ده یرلندیریب  اورتاق حرکت ائتمه نین ضرورییتی نی درک ائتمیشلر. بیز   بو تشکیلاتلار آراسی امکداشلیغین   میللتیمیزین و اؤلکه میزین  قورتولوشونا قده ر داوام ائتمه سینی تمننی ائدیریک  .

۱ خورداد قیامی نین ۱۰ ـ نجو ایل دؤنومو  موناسیبتیله آلینان قرارلار اساسیندا :

۱- اینگیلیس دیلینده رِژیمین شوونیست  سیاست لرینی  و اؤزللیک له ۱ خورداد قیامینداکی جنایتکار یاخلاشیمین بیرلشمیش میللتلرین سوروملوسو بانکیمون جنابلاری  و ایران آدلانان اولکه نین اینسان حاقلارینی ده نتن احمد شهید جنابلارینا  مکتوب اولاراق گؤنده ریلدی.

۲- بیر خورداد قیامی نین ۱۰ ـ نجو ایل دؤنومو  موناسیبتیله  حاضیرلانان بیر تکلیف:

ـ هر ایل  خورداد آیی نین بیرینده  شهیدلریمیزین  مقدس مزارلاری ( باسیریقلاری)  باشیندا اولاراق ، اونلارین  توتدوقلاری یولو داوام ائتدیردیمیزی بیلدیریب ، باغلادیغیمیز ایلقارا وفادار قالدیغیمیزی گوسته ره ک؛.

ـ  بوگونده وطن قوربانلاری نین عائله لری نین گوروشونه گئده ره ک، اونلارین عزیزلری نین میللتیمیزین یادداشیندا یاشادیقلارینی ، آذربایجانیمیزین بو قورتولوش موباریزه سی تاریخینده قئید ائدیکلرینی وورقولاماق  میللی و وطنی  ـ ویجدانی بورجوموزدور.

ـ  دوسداقلاردا ، ایشکنجه ائولرینده  باش وئریب ، دوشمنه سیر وئرمه ین  قیز و اوغول لاریمیزین عائله لرینین  گوروشونه گئتمک ، اونلارین  آجیلارینا  اورتاق اولماغا چالیشماقلا  یاناشی  ، موباریزه میزین اینسان سئورلیک قدردانلیق اساسیندا اولدوغونو  وورقولاماق.

یاشاسین گونئی آذربایجان قورتولوش مجادیله سی!

ایش بیرلیییی کومیته سی)))

9 تشکیلاتین اورتاق بیلدیری سی:

گونئی آزربایجانین کندلری و شهرلرینده 10 ایل بون‌دان اول ایران آدلانان اؤلکه‌نین رسمی دؤولت قزئتینده تورک‌لره قارشی ایرقچی و آشاغیلاییجی یازی‌لار سرگیلندی. بو قزئتده تورک‌لر هامام بؤجه یی(سوسری) کیمی گؤستریلدی. بو اولای‌دان گون‌لر سونرا اعتراضلار بیلیم یوردلاریندا، بازاردا، اوخول‌لاردا، ایش یئرلرینده و خیاوان‌لاردا مدنی شکیلده باشلاییب و دوام ائتدی. آنجاق اعتراضلار و یوروش‌لر ایللر بویو گونئی آذربایجان تورک میللتینه ایران فارس رئژیمی طرفین‌دن وئریلن تضییق‌لردن قایناخلانیب، اورتایا چیخیر.

1 خورداد، 1385(22 مای، 2006) قیامی گونئی آزربایجانین معاصر تاریخینده بؤیوک بیر یئری اولان حادثه‌دیر. بئله کی بو گونده میلیون‌لار تورک گونئی آزربایجانین بوتون بؤلگه‌لرینده، غربین‌دن شرقینه و شیمالین‌دان جنوبونا آیاقلانیب و اؤز حاق‌لارینی اوجا سس ایله ایشغالچی زئهنیته باغیردی. "هارای هارای من تورکم" شوعاری مللتیمیزین آچیقجاسینا اورتایا قویدوغو کیم‌لیک مسئله‌سی، ایران آدلانان اؤلکه‌نین دؤولتی طرفین‌دن سلاح و عسگری گوج ایله جاوابلاندی.

بو گون گونئی آذربایجان تورک میللتی‌نین مدنی شکیلده اعتراضینا باخمایا‌راق، ایران پلیسی و امنیت قوه‌لری سلاحلا اتش آچیب و بو دینج یوروش‌لری قانا بویادی. 1 خورداد و سونراسی شهیدلریمیزین و یارا‌لی‌لارین سایی چوخالدی و زین‌دان‌لار ایسه دولمایا باشلادی. تورک فعال‌لاری ایشگنجه‌لره معروض قالیب، عائله‌لری هدلنیب و بوتون ایجتیماعی حاق و هوقوقلاریندان‌ مهروم اولوب‌لار.

بیز بو عزیز گونده، خورداد(مای) قیامی‌نین 10-جی ایل دؤنومونده شهیدلریمیزین عائله‌لری ایله گؤروشوب، باش ساغ‌لیغی وئرجه ییک. آینی گونده شهیدلریمیزین مزاری اوستونه گئدیب و عهدی-پئیمانیمیزی یئنی‌لشدیرجه ییک.

بو گون‌لر هر گون‌دن آرتیق بیرلیکده اولمایا احتیاجیمیز واردیر، اونا گؤره ده میللی تورک فعال‌لار، سیاسی تشکیلات‌لار و پارتییا‌لار اولا‌راق بیرلیکده قول-قولا گونئی آذربایجان تورک میللتی‌نین حاق‌لارینی تمامینی ساوونوروق.

یاشاسین آزربایجان

19.05.2016

آذربایجان اویرنجی حرکاتی- آذوح

واحید مستقیل آذربایجان جبهه سی

آذربایجان میللی دیره نیش تشکیلاتی

گونئی آذربایجان قورتولوش پارتیاسی

گونئی آذربایجان دئموکرات پارتیاسی

گونئی آذربایجان لیبرال دئموکرات پارتیاسی

گونئی آذربایجان میللی دئموکراتیک بیرلییی

گونئی آذربایجان سوسیال دئموکرات پارتیاسی

گونئی آذربایجان تورک دیرچه لیش تشکیلاتی

ارک جمعیتی

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter