عزيز ميلتيميز!

16 آوگوست 2011-جي گون ايران ايسلام شوراسي مجليسي اوچون بؤيوک قلبه گونو ساييلير! همين گون، آنتيتورک-آنتيازربايجان فارسچي پارلامئنتينده  " اورمو گؤلو "  ايله باغلي اؤلوم حؤکمو اوخوندو.

ايران ايسلامي مجليسينده ايکي فوريليک (سيراديشي) بير لاييهه (تاساري) سسه قويولدو. ايران ايسلامي شورا مجليسي نين 290 نفرليک اويسي نين يالنيز 151-اي بو سسوئرمه ده ايشتيراک ائتدي. همين ايشتيراکچيلارين 57-اي بو تاسارييا هه سسي وئرسه ده، 94 علومسوز سسين قارشيسيندا اوغورسوز قالدي. بئله ليکله، اورمو گؤلونو قورتارما تاساريسي سيراديشيندان (اجيل-اولوغانوستو) سيرا گؤزله مه سينه محکوم اولدو. بو آرا تاساري يييه سي اولان ايکي اورمو ميلت وکيللري  " نادير قاضيپور " و  " جاواد جاهانگيرزاده "  نين تک باشينا وئرديکلري موجاديله ائتگيسيز قالدي. همين سسوئرمه ده فارسچي رئژيمين سياسي فيقورلاري ايله ياني-سيرا تورک کؤکنلي آذربايجان نوماينده لري ده وار ايدي. اؤنجه دن پلانلاشميش سونو بللي بو سسئنارييونون ايشيق اوزو گؤرمه سيله، رئژيمين نه درجه ده آنتي دوغا اولماسي دا آشکار اولدو.

16 آوگوست 2011 گونونده، فاشيست رئژيم، چيلپاقجاسينا آذربايجان تورک ميلتينه قارشي ساواش ائلان ائتدي. نه يازيق کي، بو جانيلرين ايچينده 10-لارجا خايين وطنداشيميزين دا يئر آلماسي بللي اولدو. بو خايينلرين  " يوخ "  سسلري ائولادين آناسينا قارشي ائتديگي تجاووز کيمي آنا وته نين باغريني دلدي. هئچ شوبهه سيز کي، پانفاشيست فارسچي رئژيمين آنتي آذربايجان باخيشي نين گؤزلوگو اولان بو خايينلرين حسابي آذربايجان ميللي حرکاتي نين گؤزوندن قاچماياجاق. بو ميللي خايينلرين مانقورتلاشميش قافالارينا گؤره، اؤزگور و باغيمسيزليغين بير آنلامين آنلامي يوخدور. اونلارا بئله دوشوندوروبلر کي، فارسچيليغا قوللوغون سونو جنّتدير. بو خايينلر يالنيش دوشونورلر. ميلتيميز آييق-ساييقدير. آرتيق اورتادا اولان تورک-فارس اوچورومو بلليدير. بونو هرکسدن داها درين فارس فاشيزمي اؤزو دويماقدادير. کسينليکله،  " آذربايجان تورک ميلتي "  نين ميللي-اينساني هاقلارينا قارشي چيخان پانفاشيستلرله ايشبيرليگي ائدن خايينلرين دوسييه سي آغالاري نين ود ائتديگي جنت مکانيندا دئييل، اولوسوموزون اولوسال محکمه سينده سورغولاناجاقدير.

قانماز و جاهيل فارسچي رئژيمين باشچيلارينا گؤره، اورمو گؤلونون قوروماسييلا  " آذربايجان تورک ميلتي " نين ده ديره نيش گوجو و دايانيشما روحو بيته جکدير. و بو ميلتين ايستيقلال و قورتولوش اينانجي دا دوز چؤلونده قوروياجاقدير. رئژيمين کيچيک قافاسي نين بو محصولو، نينکي آذربايجان تورکلوگونون سارسيلماسينا ندن اولماياجاق،  تام ترسينه فاشيست فارسچي رئژيمينه قارشي وار اولان نيفرتين ده کوتله قاتمانلاريندا گئنيشلنمه سينه يارديمچي اولاجاقدير.

آذربايجان تورکلوگو، ايستيقلال و اؤزگورلوک يولوندا بؤيوک حزينه لرين وئره جگيني چوخ گؤزل بيلير. بو آييق و عظيملي اولوس اوچون اؤزگور ياشام اوغروندا موجاديله سونا وارماز بير سورجدير. باخماياراق کي، بو بشري ايرسه بير بؤلگه وارليغي کيمي باخيلاماز. و اونون قورتولوشو اوچون دونياني آياغا قالديرماق گره کي ر. آنجاق، بونو دا اونوتماماق کي، آذربايجانين اوغورسوز گليني  " اورمو گؤلو "  ده، بو ميلتين قورتولوش يولونون بير پارچاسيدير.

گونئي آذربايجان قورتولوش پارتيياسي (گاقپ)، ايسلامي مجليس چاتيسي آلتيندا بيرلشن کوکلا نوماينده لرين بو آنتي اينساني عمللريني شيددتله پيسله يير، آنا تورپاغي نين چؤرگينه-سويونا قنيم اولان مانقورتلاريميزا ايسه، دئيير کي: تورک آدينا مجليسده اوتوروب، تورک ميلتينه خيانتلريزين جوابسيز قالماياجاغيندان امين اولابيلرسينيز!

اورمو گؤلونون قوروماسييلا باغلي اولاغانوستو اوتوروما رد اويو وئرن و فارسچي رئژيمه نؤکرليک گؤسترن آذربايجانلي خايين نوماينده لرين ليسته سي:

1.تبريز، اوسکو، توفارقان(ازرشهر) : معسود پئزئشکيان.

2.مرند، جولفا : سيروس سازدار.

3.مراغا، عجبشير: يوسوف نجفي.

4.ورزيگان، خاروانا: ريضا اليزاده،

5.اهر، هئريس: قولامهوسئين معسودي رئيهان.

6.بوستاناوا: اهد خئيري.

7.مييانا: سئييد هوسئين هاشيمي.

8.ملکان: سلمان خودادادي

9.ماکي: سولئيمان جفرزاده.

10،11.اردبيل، خالخال، کؤوسر: بشير خالئقي- سئييد کازيم موسوي.

12.13. قوشاچاي(مييانداب)، سايينقالا (شاهيندئژ)، تيکاب: محمد ميرزايي، مئهدي ايسازاده.

14.بوکان: محمد قاسيم عوثماني.

15.پيرانشهر، سردشت: محمد الي پرتووي.

16.سولدوز، اوشنويي: الي زنگاني حسنلوي.

17.خيياو(ميشکينشهر): يونوس اسدي.

18.موغان(پارساباد): وکيل سوپه

19.زنگان، ابهر، خوررمدر: احمد مهدوي.

20،21.زنگان، يوخاري تارم(تارم اوليا): سيدوللاه نسيري قيداري- جمشيد انساري

22.ماهنئشان، انقوران، ايچرود: ريضا ابدوللاهي

گونئي آذربايجان قورتولوش پارتيياسي

يؤنتيم قورولو

2011-08-18