آذوح: ايراندا حبسده اولان آذربايجانلي ژورناليست و اينسان حقوقلاري مودافيعه چيسي سعيد متين پور ون وضعيتي يئنيدن پيسلشيب.

ايران رئژيمي ژورناليستين موعاليجه سينه شرايط ياراتماقدان بويون قاچيريب. بير نئچه دفعه اينفارکت کئچيرن جناب متين پور ون حياتي تهلوکه قارشيسيندادير. " سعيد متين پور بونلاردان علاوه اطلاعات تجريدخاناسيندا ايشگنجه لره معروض قالديغي زامان دا بير چوخ خسته ليکلره دوچار اولوب. او، هم ده اونورغا سومويونون کسکين آغريسيندان، باش آغريلاريندان ازيت چکير " .

سعيد متين پور 2007- جي ايلده ايران تهلوکه سيزليک قوووه لري طرفيندن ساخلاناراق 9 آي اطلاعات-اين تجريدخاناسيندا ايشگنجه لره معروض قاليب. سونرادان گيروو موقابيلينده محکمه يه قدر سربست بوراخيليب. آنجاق، 2009-جو ايلين اييول آييندا موهاکيمه اولونوب و 8 ايل حبس جزاسينا محکوم ائديليب.

حاضيردا او، ائوين حبسخاناسي نين 209- جو بؤلمه سينده ساخلانيلير. مئديا فوروم سايتي نين معلوماتينا گؤره ايسه ايراندا ايصلاحاتچي قزئتلرله امکداشليق ائدن مشهور ژورناليست، 2010- جو ايلده " سرحدسيز رئپورتيورلار " بين الخالق تشکيلاتي نين سؤز آزادليغي اوغروندا دينج فعاليتينه گؤره " ايلين ان ياخشي ژورناليستي " سئچديگي عبدالرضا تاجيک 6 ايلليک حبسه محکوم اولونوب.

تهران محکمه سي عبدالرضا تاجيکي ايجتيماعي فيکري يايينديرماق مقصديله يالان معلوماتلار يايماقدا تقصيرلي بيليب. ژورناليستين وکيلي محمد شريف ايتتيهامي ردد ائده رک حؤکمدن آپئللياسييا شيکايتي وئريله جگيني وورغولاييب.

2009- جو ايلين اييونوندا کئچيريلن پرئزيدئنت سئچکيسي نين رسمي نتيجه لرينه قارشي کوتلوي اعتيراضلاردان سونرا ايکي دفعه حبسه سالينان، هر دفعه ده مولک گيرووو قارشيليغينا شرطي آزادليغا چيخان عبدالرضا تاجيک آخيرينجي دفعه 2010-جو ايلين اييونوندا توتولموش و همين ايل دئکابرين 22-ده 500 مين دوللارليق مولک گيرووو قارشيليغيندا مووققتي آزادليغا بوراخيلميشدي. بو حبسلر زاماني او، دؤولت قورولوشو علئيه اينه تبليغات آپارماقدا و قانونسوز قروپلارا عوضو اولماقدا گوناهلانديريليردي.

عبدالرضا تاجيک ايرانين " فتح " ، " بونيان " ، " باهار " و " شرق " قزئتلري ايله امکداشليق ائديب، همچنين حقوق مودافيعه چيلري قورومونون عوضوودور

آمئریکانین سسی .