ایلتیشمه ۱: جناب لئیسانلی: “وورغولاییرام کی، منه قارشی ایستنیلمهین بیر حادثه اوز وئرسه، آجلیق آکسیاسیندان دئییل
سای: ۵۴۹/ ۲۰۱۱
ایلایگون: ۳ اکتبر ۲۰۱۱
ب.م.ت، اینسان حاقلاری اوزره آلی کومیسسارلیق، جنوره؛ لطفاً بو قئیدیاتی آشاغیداکی قروپلارا چاتدیرین:
• دؤکتور احمد شهید
• اؤز-خوشونا توتوقلانما اوزره چالیشان قروپ
• بئیان و فیکیر سربستلیگینین ایرلیلییشی و قورونماسی اوزره اؤزل راپورتئر
• چاغداش ایرقچیلیک، ایرقی آیری-سچکیلیک و یادد-ائللیلره قارشی قاتلاشمازلیق اوزره اؤزل راپورتر
• میللی آزلیقلار اوزره موستقیل متخصص بای بک
• قاضیلارین و وکیللرین باغیمسیزلیغی اوزره اؤزل راپورتر
اوزو: دیکئ بئی، و خانیم هارریسون، آمنئستی اینتئرناتیونال، لندن
هابئله: اینسان حاقلارینی گؤزتن و اینسان حاقلارینا قوللوقچو، ب.م.ت هابیتات، باشقا قوروملار
سایین جنابلار؛
ایلتیشمه ۱: جناب لئیسانلی: “وورغولاییرام کی، منه قارشی ایستنیلمهین بیر حادثه اوز وئرسه، آجلیق آکسیاسیندان دئییل”
جناب عباس لئیسانلینین اینسان حاقلارینی حضورلارینیزا سونوروق کی، او گونئی آذربایجانین میللی حرکتینین بیر قوجامانی و اورنسل اینسان حاقلاری بیلدیرگهسی اوزره آکتیویزمین قوروجولارینداندیر. ایران یئتکیلیلری اونو اؤز-خوشونا ۸ سئپتامبردا یاخالادیلار. بوندان قاباقدا دالبادال اونو سینسیدیردیلر، باخین اؤزتچه ۲-یه (سای: ۵۴۶/۲۰۱۱؛ ایلایگون ۵ سئپتامبر ۲۰۱۱). جدول ۱ بو توتوقلانما حاقیندا گرکن بیلگی اونون ساوونماسی اوچون درلمیش. اوستهلیک، ۱ اوکتوبر ۲۰۱۱-ده اؤیرندیک کی، ایران یئتکیلیلری اونو اردبیلده توتوقلاما داخماسیندان تئهراندا بیر توتوقلولار اوچون زیندانا کؤچورموشلر کی، بورا تقریباً ۵۰۰ کم اردبیلدن اوزاقدیر. ایندی اونون ساغلاملیغی و تئهلوکهسیزلیگی اوچون نیگاران و ایشگنجه ریسکینه معروض اولدوغونو سانیریق.
جدول ل–ده درلنمیش بیلگییه گؤره جناب لئیسانلینین توتوقلانماسی آشاغیداکی سببلره گؤره اؤز-خوشونادیر:
• جناب لئیسانلی، هئچ بیر ایران یاخود اولوسلارآراسی قانونونو سیندیرماییب. اصلینده گونئی آذربایجان فعاللاری قانون حؤکمونه بویون ایمکده چوخ یوخاری ایستاندارت بوروزا وئریرلر. بو اونا گؤرهدیر کی، باهانه دالیسیجا گزن و حتی اؤز قانونلارینا دا اعتیناسیز یاناشان ایران یئتکیلیلرینی میوس ائتسینلر.بای بک
• ایران یئتکیلیلری “گیزلین دوزلیشمه” اوسولو ایله، ساختا دلیللر یونتویاراق گونئی آذربایجان فعاللارینی توتوقلاماقدا هئچ بیر قانونا ائتینا گؤسترمزلر.
ایران یئتکیلیلرینین جناب لئیسانلینی توتوقلامادا قئیری-قانونی داورانمالاری گئدیشاتین آرخا-پلانینا باخماقلا دا بللنیر. بو آندا ایران یئتکیلیلری طرفیندن تؤردیلمیش گونئی آذربایجاندا اورمو گؤلو فلاکتینه قارشی قالدیریلان اعتیراض دالغالاری هئچ ده سنگیمیر، بونون آیرینتیلاری اوچون باخینیز جدول ۱، بؤلمه IV. ایر بو یاخینلارا قدر گونئی آذربایجاندا گئدن اعتیراضلار میللی حقوق اوچون ایدیسه، ایندی ایرانین یوروتدوگو قصدلی اورمو گؤلونو قوروتما توتومونا اعتیراضی دا قاپساییر. ایران یئتکیلیلری بو قصدلی توتومو هئچ ده دوزلتمک نیتینده دئییللر و اصلینده اونلارین اوزون ایللردن بری پلانلی صورتده سیاستی بئله آشکار اولونور:
• ایران یئتکیلیلری گونئی آذربایجانلیلارین چئوره اعتیراضلارینی بوغماغا قاپانمیشلار
• گونئی آذربایجان ایندی ایران یئتکیلیلرینین طرفیندن ائندیریلمیش اؤزل قوهلر قارشیسیندا محاصرهدهدیر.
• بو قوهلر قاباقلارینا گلنی یاخالاییب، اونلاری زوراکیلیغا معروض ائدیر، ایشگنجه ائدیر؛ حرفی معنادا ۵۰۰ شخصدن داها چوخ گونئیلینی یاخالاییب و زمانت واسطهسی ایله اونلاری قاداقدا ساخلاییرلار.
• ۱۰۰-دن چوخ اینسانی پلاستیج غوللهلر ایله یارالاییب و ان آزی ۳-نفری اؤلدورموشلر.
• زامان-زامان یاسا-دیشی قتللر جریانا سالیرلار – ائله بو گونلرده آدلیم میللی فعال، جناب ایبراهیم جعفرزاده، حیات یولداشی مینا خانیم کهربایی و اونلارین قیزلاری آیلا شوبههلی اؤلومه معروض قالدیلار کی، هلهده گوونلی بیلگی الده یوخدور. اوزینده ایران یئتکیلیلری خویدا، اونو باسدیرما تؤرهنینده ۱۰۰-دن چوخ ایشتیراکچینی یاخالادیلار، بوندان ایرهلی گلن اولدوقجا گرگین دوروم بو فیلمدن سئزیله بیلر: ([1] www.oyrenci.co…)
دوغروسو بودور کی، جریاندا اولان اعتیراضلارین هققانیتینه باخمایاراق، جناب لئیسانلی نه بیر کلمه فیکیر ایفادهسینده بولونموش نه ده اعتیراضلاردا بیر باشا ایشتیراک ائتمیش. آخی بو گون گونئی آذربایجان چئورهسینی قوروماق اوچون ۳۰ میلیون عباس لئیسانلیلار وار. دوغرودان دا جناب لئیسانلی توتوقلو ایکن ایران اؤزل گوووهلرینین دمیر-یومروقلارینا باخمایاراق اردبیلده ۱۴ سئپتامبردا مؤهتشم قیسا-مدتلی اعتیراضلار سرگیلندی. بو اعتیراضلار او حالدا باش توتدو کی، جناب لئیسانلی توتوقلو ایدی و اؤزو ده قانونسوزجا.
جناب لئیسانلینین توتوقلانماسی حاقدا فیکیرلریمیزی سیز ایله بؤلوشمک ایستردیک:
• جناب لئیسانلینی توتوقلاماق ایله اردبیلده اعتیراضلاری دایاندیرماق مقصدی گودولموشدور. آنجاق، یاییم اورقانلاریندا درج ائدیلمیش خبرلری بیز ده تسدیقلییریک کی، ایرانین آسدی-کسدی قوهلری بوتون گوجونو ایشه سالسا دا، عباس بئیین توتوقلانماسینا باخمایاراق اردبیلده قیسا مدتلی اعتیراضلار باش توتدو. دئمک کی، اونون توتوقلانماسی اوچون هئچ بیر سند یوخدور.
• ایران یئتکیلیلری جناب لئیسانلینی تئهرانا کؤچورمک ایله اونون، میللی حاقلاریمیزی قوروما ازمیندن اؤج آلماق ایسته ییرلر، آخی بو یول ایله اونون عائلهسینی اولدوقجا سینسیدیرلر. سؤز بوراسیندادیر کی، بو اینتیقام هیسسی یالنیز قئیری اینسانی اهوال-روهیهسیدیر و هئچ بیر یئتکیلییه یاخیشان دئییل. دئمهلی بو بیر حقیقتدیر کی، ایران یئتکیلیلری گونئی آذربایجاندا حکومت یؤنتیجیلیگی ایله اوغراشمیرلار، ترسینه، آذربایجان تورک میللتینه قارشی اوشاقیانا اداوت یوروتمه طرزی ایله داورانیرلار.
• یاخالاندیغی ایلک گوندن تئهرانا کؤچورولنه قدر، او عائلهسی ایله قیسا مدتلی تئلئفون دانیشیغیندا ایکی دفعه بولونموش: بیرینجیسینده آجلیق آکسیاسینا باشلادیغنی بیلدیرمیش و ایکینجیسینده (۲۶ سئپتامبر ۲۰۱۱) جناب لئیسانلی بیر تئلئفون مئساژی وئرمیش کی، دقتینیزه چاتدیرماق ایستردیک – او دئییر: “وورغولاماق ایستییرم کی، منه قارشی ایستنیلمهین بیر حادثه اوز وئرسه، آجلیق آکیاسیندان دئییل.” بیزیم قورخوموز بودور کی، ایران یئتکیلیلری جناب لئیسانلینی تئهرانا سوروکلمک ایله اورتا-عصرلره عایید اولان فیکیرلرله یرنج خیاللار دا دوشونه بیلرلر. بونون دیله گتیریلمهسی بئله قورخونج نیگارانچیلیقلا دولودور.
بوگون گونئی آذربایجان ایران یئتکیلیلرینین ایرقچی دویغوساللیق ضربهلرینه معروض قالمیش. بو ایلتیشمنی حاضیرلاماسینین سون آنلاریندا، اردبیلده، جناب لئیسانلینین دوغما شهرینده، بیر گیزلی اورانیوم زنگینلشدیرمه زاوودوندا پارتلاییش خبری گلیب چاتدی. معلوم دئییلدیر کی، ایران یئتکیلیلری آذربایجانا داها آرتیق نه فیتنهلر توخوماقدادیرلار: چوخلو چئوره بولاشدیرما قیزغین-نوقتهلر، اورمو گؤلو فلاکتی، اردبیلده اتم پارتلاییشی. گونئی آذربایجان تورک میللتینین ساوونماسی ایندی تکجه سیزین علینیزده اولان مانداتلاردان آسیلیدیر. تکجه سیزین کامپانیانیزدیر کی، گونئی آذربایجانا قارشی ایراندا ایرقچیلیگی دایاندیرا بیلر و جناب لئیسانلینین اینسان حاقلارینی دیرچلده بیلر. قایغنیز اوچون قاباقجادان میننتدارلیغیمیزی بیلدیریک.
حؤرمتله؛
بؤيوک رسولوغلو
دونیا آذربایجانلیلارینین حاقلارینی مدافعه مومیتهسینین صدری