بی ام ت، اينسان هاقلاري اوزره عالي کوميسسارليق، ژنو؛ لوطفا بو ايلتيشمه ني آشاغيداکي قروپلارا چاتديرينيز:

·       دکتر احمد شهيد

·       اؤز-خوشونا توتوقلانما اوزره چاليشان قروپ

·       قادينلارا قارشي زوراکيليق اوزره اؤزل راپورتئر

·       بيان و فيکير سربستليگي نين ايره ليلگيشي و قورونماسي اوزره اؤزل راپورتئر

·       چاغداش عيرقچيليک، عيرقي آيري-سچکيليک و يادد-ائلليلره قارشي قاتلاشمازليق اوزره اؤزل راپورتر

·       ميللي آزليقلار اوزره موستقيل موتخصيص

·       قازيلارين و وکيللرين باغيمسيزليغي اوزره اؤزل راپورتر

اوزو        ديکئ بي،  و خانيم هارريسون، آمنئستي اينتئرناتيونال، لوندون

هابئله    اينسان هاقلاريني گؤزتن و اينسان هاقلارينا قوللوقچو، بی ام ت هابيتات، باشقا قوروملار

سايين جنابلار

ايلتيشمه 1:   ايپک خانيم (فرانک) فريدين اينسان هاقلاريني ساووما

خانيم ايپک (فرانک) فريدين اينسان هاقلاريني ساوونماق اوچون ايلتيشمه 1-اي حضورلارينيزا سونوروق کي، او فئمينيزم و قادين هاقلاري اوزره گونئي آذربايجاندا تانينميش بير شخصيت، ميللي حرکت اوزره بير آکتيويست و اورمو گؤلونو ديرچلتمک اوچون بير کامپانيياچيدير. ايران يئتکيليلري اونو اؤز-خوشونا (اربيترار) 3 سئپتامبردا ياخالاديلار و بونلا ياناشي يوزلر چئوره کامپانيياچي دا ياخالانميشدي (اؤزتچه ميز، ساي: 546/ 2011، ايلايگون: 5 سئپ 2011). جدول 1 بو توتوقلو حاقيندا گرکن بيلگي اونون ساوونماسي اوچون درلنميش.

ايرانين تهلوکه سيزليک مأمورلاري ايپک خانيمي ياخالايار ايکن اونا ال آچيب و دؤيموشدولر، و دينديرمه (تفتيش) واختي اونا ايشکنجه ده قييميشديلار. اونا قيييلان بو جسارتلر نتيجه سينده او ايندي گيجللنمه يه و ائشيتمه پروبلئمينه معروض قالميشدير. آمنئستي اينتئرناتيونال اونون اوغروندا کامپانييا آپارميش و وئرديکلري بيلگييه گؤره اونا قارشي محکمه (   )10 گونلوک اؤز-خوشونا قرار کسميشدي.

آمئنستي اينتئرناتيونال کامپانيياسيندان علاوه  بئلقراددا توپلاشان 77-اينجي بين الخالق قلم قورولتايي دا (   )، ايپک خانيمين اوغروندا کامپانييا ائتميشلر و اونون شرطسيز همن سربستلييه بوراخيلماسيني طلب ائتميشلر. بيز بو کامپانييالار ايله عئيني فيکيردگيک کي، ايپک خانيما قارشي کسيلن حؤکم اؤز-خوشونا و او توتوقلو ايکن ايشکنجه يه معروض قالميش. بو هاقسيزليقلارا اعتيراض اوچون او ايندي آجليق آکسيياسي ائتمک زوروندادير.

ايپک خانيمين ساوونماسي ايندي يالنيز سيزين مانداتلارينيزين عهده سيندن گه لر کي، ايران يئتکيليلري نين بو قدر اؤز-خوشونا عمللريني اؤنلييه سيز و ايپک خانيمين اينسان هاقلاريني يئنيدن ديرچلده سينيز. قايغنيز اوچون قاباقجادان ميننتدارليغيميزي بيلديريريک.

حورمتله

بويوک رسول اوغلو

دونيا آزربايجانليلاري نين هاقلاريني مودافيعه  کوميته سي نين صدري