گئنل ایلتیشمه: گونئی آذربایجانلی فوتبال آزارکئشلرینه توتولان دیوان توپلو هؤکوملر
سای: ۵۵۱/ ۲۰۱۱
ایلایگون: ۷ نووامبر ۲۰۱۱
ب.م.ت، اینسان حاقلاری اوزره آلی کومیسسارلیق و اینسان حاقلاری شوراسی، جنوره؛ لطفاً بو قئیدیاتی آشاغیداکی قروپلارا چاتدیرین:
• دؤکتور احمد شهید،
• اؤز-خوشونا توتوقلانما اوزره چالیشان قروپ
• چاغداش ایرقچیلیک، ایرقی آیری-سچکیلیک و یادد-ائللیلره قارشی قاتلاشمازلیق اوزره اؤزل راپورتر
• میللی آزلیقلار اوزره موستقیل متخصص
• قاضیلارین و وکیللرین باغیمسیزلیغی اوزره اؤزل راپورتر
اوزو: دایک بئی، و خانیم هاریسون، آمنئستی اینتئرناشنال، لندن
اینسان حاقلاری اوزره هئلسینکی اولوسلارآراسی فئدئراسیاسی (اوسلو شعبهسی)
هابئله: اینسان حاقلارینی گؤزتن و اینسان حاقلارینا قوللوقچو، باشقا قوروملار
سایین جنابلار
گئنل ایلتیشمه: گونئی آذربایجانلی فوتبال آزارکئشلرینه توتولان دیوان/ توپلو هؤکوملر
گئنل ایلتیشمه ۱-ی حضورلارینیزا سووروق کی، ایران یئتکیلیلری طرفیندن ۲۸ نفر گونئی آذربایجان فوتبال آزارکئشلرینین اوزرینه کسیلن اؤز-خوشونا گولونج بیر توپلو حؤکمو ایجمال ائدیر. بو آزارکئشلر گونئی آذربایجان میللی تاخیمی تیراختورون دستکچیلریدیر و فوتبالا موسبت ایماژ وئرمکده دونیا شؤهرتی قازانماقدادیرلار. اونلارا لاییق حرکتلردن بیریسی بودور کی، تاخیملاری اودا یا اودوزا، بونلارین موسبت اهوال-روهیهلرینه تفاووت ائتمز.
جدول ۱-ده حضورلارینیزا سونولان بلگه، توپلو حؤکمون بیرباشا ترجومهسیدیر، لاکین اونون یازی اوسلوبو او قدر عجایبدیر کی، بیز اونو سیزه اؤزتلمک زورونداییق. قاضی، کیانوش شوکوه تک باشینا ۲۸ نفره بیر یئرده حؤکم کسمیش . دئمک، اینقیلاب محکمهسی، شعبه ۱۰۴ (تبریزده) بو آزارکئشلرین اوزرینه حؤکم کسمیش، هامیسینا بیر یئرده و بیر نفهسه. قئیده آلینمیش سوچلامالارا بو کیمی ادعالار عاییددیر: پلیس ایله توققوشما، آرا قاتما، پلیس مالینا خسارت یوروتمه - سیاهی قات-قات آچیلیر و هامیسی قوراشدیرما یالانلار ایله. جزالار رنگ-به-رنگ و جزالارا اؤرنک بونلار: فوتبال یاریشمالاریندا ایشتیراکا قاداغا قویماق، توپلام ۱۸۶ آیلیق آسیلقان ائدیلمیش حبس، توپلام ۲۶ ایللیک چکیلمهلی حبس، قامچی و توپلام ۱۶ میلیون تومن ناغد جرمه. حؤکمدن بللی اولور کی، هله اوشاقلاری دا محکمهیه سوروتلهییب گتیرمیشدیلر، گویا میوس اولموشدولار کی، سغیر اولدوقلارینا گؤره ، بونلارین ایشینی اوشاق محکمهسینه بوراخماغا مجبور اولموشلار.
جدول ۱-ده حؤکمون اؤز-خوشونا اولدوغونا بو علامتلر وار:
• “باشدان سووما محکمه”: حؤکم باشدان سووما بیر ایشه بنزیر و بئله تسسور یارادیر کی، قاضی قضاوتدنسه، قاراوول کیمی اؤز نیزاملارینی قوروماق قئیدینده ایدی.
• اؤره تیم خطی کیمی عدالت: ایران یئتکیلیلرین بورادا قوردوغو محکمه فابریکالاردا اؤره تیم خطینه بنزییر کی، بیر باشدان خاممال عوضینه سوچلانمیشلار اؤتورولور و اورتادا اونلار ایستر-ایستمز سوچلویا چئویریلیر، و خطین سونوندا محکوملار اؤره تیم اولونور، ایشته باشدان سووما محکمهسی ائله بو.
• وکیلسیز موهاکیمه: بیزه معلوم اولاسی، سوچلانمیشلارین یالنیز بیر نئچهسینین وکیلی وار ایدی.
• قوراشدیرما: آزارکئشلره قارشی سوچلامالار هامیسی فابریکدن چیخمیش تیپیک قوراشدیرما سوچلاردیر.
• شوعارلار: سوچلامالارین بیریسی ده قئیری-ایدمان شوعار سسلندیرمک ایدی. آخی ایران یئتکیلیلری حتی ان ایبتیدای حاق اولان آنا دیلینده تحصیل حاقینا قددارجا قییاندا، بوندان باشقا نه گؤزلنیلیر؟
• سوچلامالارین هامیسی ساختادیر، آخی یالانی سواب بیلن ایران یئتکیلیسیندن نه اومماق اولار.
بیز بورادا ماسانی چئویریب و بیر نئچه سوال ائتمک ایسته ییریک:
۱. آرخاپلان: جدول ۲-ده وئریلمیش شوعارلار ائتنیکجه فارس اولان فوتبال دلدوزلارینین طرفیندن لکلندیریجی ایرزه-ایرزه چیغیرتیلاردیر. هله بونلار گونون قیزغین واختیندا ایران میللی رادیو و تئلئویزیادان دا یاییملاندی. سوال: بیز بونو سوروشوروق: نیه بو چیرکین گوستاخلیغا یول وئریلدی؟
۲. آرخاپلان: اورمو گؤلو گونئی آذربایجانین اوریی ساییلیر لاکین ایران یئتکیلیلری بو سولاغی بیلهرکدن قورودوب و دوزلاقلاشدیرماق ایسته ییرلر. ایران دئموکراتیا اولمادیغی اوجباتدان، گونئی آذربایجانلیلار هر فورصتدن ایستیفاده ائدیب اؤز اعتیراضلارینی بو توتوما قارشی بیلدیررلر و کئچمیش اوچ ایلده دوروم ائله بئلهدیر و بو اعتراضچیلارا تیراختورون آزارکئشلری اؤنچودورلر. سوال: بیلهرکدن یانلیش سیاسته اعتیراض بیر جینایتمی؟
قارشینیزدا قویدوقلاریمیز بلگهلر ایران یئتکیلیلرین طرفیندن گونئی آذربایجاندا یوروتدوکلری اؤز-خوشونا و ایرقچی سیاستی گؤستریر. بیز گؤستریریک کی، ایران یئتکیلیلری یئتکیلی دیئ وظیفه یئرینه یئتیرمیرلر. اونلار ب.م.ت-نین کسدیگی “قوروما مسئولیتی” کونوئنسیالارینی گونئی آزرنبایجاندا پوزورلار. بو اساسدا بیز دؤکتور احمد شهیده، ب.م.ت-نین ایران اوزره اؤزل راپورتئرینه، سوال وئریریک کی، نیه اؤز راپورتونون ایلک نوسخهسینده گونئی آذربایجان دورومونو ایفاده ائتمکدن قاچیندی؟ بیز اونو بیلگیلندیرمکدن اؤتری وئردیگیمیز چوخلو آدلار وار ایدی: ایپک (فرانک) خانیم فرید، سعید نیمی، سعید متینپور، عباس لئیسانلی و یوزلر باشقا ویجدان دوستاقلاری. اونون راپورتوندا بو آدلارین اولماماسی بیزی شاشیرتدی، باخمایاراق کی، چوخلارینین تاماسس اوچون دئتایلارینی، اونا اؤزل اولاراق یئتیرمیشدیک. البته، عینی سوالی بوتون باشقا اولوسلارآراسی قوروملارا دا ایرهلی قویوروق. نه یاخشی کی، ایپک خانیم اوغروندا آپاریلان اولوسلارآراسی کامپانیا (کی، بوندا سیزین راپورتون دا رولو وار ایدی) نتیجهسینده او ایندیلیک بوراخیلمیش، لاکین بس او بیری ویجدان دوستاقلاری حاقدا سیز نه ائتدینیز؟ آپ-آچیق اولماق ایسته ییریک کی، گونئی آذربایجانین ویجدان دوستاقلارینین سایی ایراندا باشقا بوتون سیاسی ویجدان دوستاقلارینین ساییندان ایکی قات داها آرتیقدیر. بیر حالدا کی، گونئی آذربایجان اوغروندا گئدن اولوسلارآراسی کامپانیا میللی حرکتین معروض قالدیغی باسقییا هئچ ده موتناسیب دئییل. اؤزلرینی آلتئرناتیو آدلاندیران قوروملار و اونلارین اینسان حاقلاری قورویوجولارینین دیققئتسیزلیگی ، چیرکین شووینیست تفککورون نتیجهسی اولسا گرک. آما ، بئینالخالق اینسان حاقلاری قوروماجیلاری و دئموکرات اینسانلاریندان سوروشوروق: سیز نیه؟
بیزه بئله گلیر کی، سیزلرین ایراندا گئدن ایرقچیلیگی و ایران یئتکیلیلرینین گونئی آذربایجانا قارشی قددارلیقلارینی قاوراماغینیز اوچون داها چوخ آچیقلاماغا احتیاجینیز وار. بیزجه،سایین آهمئد بئی شاهید ایرانا گؤره راپورتوندا “ایرقچی سیاست”-دنسه “ایرقی سیاست” یازماقلا ایرقچیلیگی ایراندا یولا وئرمیشسینیز. باشقا دئییم ایله، سیزلرین بو سوکوتونوز اونلارین آربیترار اولماق ائهتیراسلارینا اودون قالاماق دئمکدیر.
ایران یئتکیلیلرینین چیرکین اویونلارینی ایفشا ائتمهیه چوخلو دوسیئلر وار. چیرکینلیکلر اورایا چاتیب کی، گنجلریمیزین ناموس مسئلهسینه شانتاژلاردا روا قیلینیر. نومونه اولاراق مهسا خانیم مهدیلینین دوسیئسینه کیفایتلنه کیفایتلنهرک اینسانلیغی هارایا چاغیریریق . آذربایجان منلیگینی ایرهلی سورمکدن اؤتری، او اونیوئرسیتئت تهسیلاتیندان قووولاندان سونرا، آنکارادا بیر اونیوئرسیتئتده آلی تهسیلاتینی داوام ائتمک زوروندا قالیر. یای تتیللرینده عائلهسینین اورمودا گؤروشونه قاییتدیقدا، او تهلوکهسیزلیک مامورلاری طرفیندن اؤز-خوشونا توتوقلانیر. ۱۵ گون دیندیرمهیه قاتلاشاندان سونرا، آغیر زمانت قارشیلیغیندا بوراخیلیر. اوستهلیک، ایران یئتکیلیلری بو خانیمدان باشقا آذربایجان منلیگینی ساوونانلارا قارشی جاسوسلوق ائتمیی طلب ائدیرلر. بو خانیما ایختار اولونور کی، دؤولتین تلباتینا بویون ایمزسه، اونون شخصیت توخونولمازلیغینا و ناموس توخونولمازلیغینا قارشی قصد (ترور) اولوناجاق. بو دوسیئ “بوزداغینین بیر اوجودور” و گؤستریر کی، ایراندا فارس اگمنلیگینی قورووماق اوچون ایران یئتکیلیلری ویجدانسیزلیقدان هئچ ده چکینمیرلر. گونئی آذربایجانین قارشیلاشدیغی بو دؤزولمز دورومو سیز نه واخت ایران یئتکیلیلرینه سسلنجکسینیز؟ یوخسا، ایختیارینیزدا اولان مانداتلاردان ایستیفاده ائتمک ایستمیرسینیزمی؟
گونئی آذربایجان سیزین دستکلرینیزی آرزیلاییر، یوخسا ایراندا ایرقچی اونسورلر و ترورچولار فورصتدن ایستیفاده ائدیب فاجعه یاراتماق اوزرهدیرلر. ائلهجه ده بیزیم فوتبالچیلاریمیزین ساوونماسی یالنیز سیزین اؤهدهنیزده اولان مانداتلار ایله ساغلانا بیلر. اومید ائدیریک کی، مانداتلارینیزا گؤره گرکن آددیملاری آتاجاقسینیز و ایران یئتکیلیلرینه گرکن تمسیلچیلیگی ائدجکسینیز. بونون تک گؤستریجیسی، سیزین طرفینیزدن ایراندا گئدن ایرقچیلیگی ایفشا ائتمکدیر، یوخسا، ایران ایرقچیلیگینی دستلنمه ماهیتی داشییاجاقدیر .
قایغینیز اوچون میننتداریق
حؤرمتله
بؤیوک رسولوغلو
دونیا آذربایجانلیلارینین حاقلارینی مدافعه کومیتهسینین صدری