بیرلشمیش میللتلر تشکیبلاتی، اينسان حاقلاري اوزره عالي کوميسسارليق لوطفا بو ايلتيشمه ني اينسان حاقلاريني ساوونانلار اوزره باش کاتيبين اؤزل تمثيلچيسينه و ائلجه ده ساغلامليق حاقي اوزره اؤزل راپورتئرا چاتديرين.

هابئله بو قروپلارا دا دخلي وار:

· اؤز-خوشونا توتوقلولار اوزره چاليشان قروپ

· چاغداش عيرقچيليک و آيري-سئچکيليک اوزره اؤزل راپورتئر

· ميللي آزليقلار اوزره موستقيل موتخصيص اوزو ديکه بي، خانيم هارريسون، آمنئستي اينتئرنیشنال، لوندون

سايين جنابلار

سون دوروم 2: عطیه خانيم متین پور : " دوغروسو، بير شخصه قارشي بو قدر آمانسيزليغين سببيني من کي، باشا دوشه بيلميرم "

جناب سعيد متین پورون آغير اورک خسته ليگي باره ده سون-دوروم 2-ايني حضورلارينيزا سونوروق. او گونئي آذربايجاني نين اينسان حاقلاري اوزره بير گؤرکملي ساوونوجوسودور. لاکين ايندي او بير ويجدان دوستاغيدير و ايران يئتگيليلري طرفيندن اؤز-خوشونا ساغلامليق و سربستليک حاقلاريندان يوخسون ائديلميشدير.

اونون تجيلي طيببي قايغييا احتيياجي واردير. جناب متین پور ايندي گونئي آذربايجانين ميللي بيلينجي نين سيمگه سينه چئوريلميش. ايندي 30 ميليون گونئي آذربايجان تورکونون اوزونتوسو ايله تؤووشن جناب متین پورون اوزونتوسو اوست-اوسته دوشور. ايراندا فارس عيرقچيليگي نين اؤز-خوشونا حرکتلرينه قارشي اونون اينامي گونئي آذربايجان ميللي حرکتينه ايلهام قايناغي اولموش.

جناب متین پورون بيرينجي دفعه اورک-توتما خسته ليگينه معروض قالماسي سون دوروم 1-ده (ساي: 522/2009، ايلايگون: 8 فئورال 2010) اکس ائتديريلميش و اوندان بري ايکي دفعه بو تيپده اورک چاتيشمازليغينا معروض قالميش. تأسوفله ايکينجي خسته ليک واختلاريندا سيزي بيز خبردار ائده بيلمه ديک، لاکين بو سون – دوروم اونون اينديکي اوچونجو اورک-توتما خسته ليگي ايله باغليدير و آشاغيداکي بيلگيلر سيزه توپلانميشدير:

جدول 1: عطیه خانيم متین پورونون فردا رادييوسونا وئرديگي بياناتين ترجومه سي (13 مارت 2011)

جدول 2: جناب متین پورون گونئي آذربايجاندا ديقت مرکزينه چئوريلمه سي اوچون ايکي بلگه نين ترجومه سي .

جدول 3: جناب متین پورون بين الخالق کامپانييالاردا اکس اولونماسيني گؤسترير.

تاکيد ائتمک ايسته ييريک کي، بو ايلتيشمه نين ترتيبينده بيز متین پور بي ياخود اونون عاييله سي ايله علاقه قورماميشيق. بو مسئوليتي بيز اؤز بوينوموزا آلماق ايله متین پور-گيلين بويونلاريندان مسئوليتي گؤتورمک ايسته ييريک.

جناب متین پور بير گؤرکملي اينسان حاقلاري ساوونانيدير؛ اينديجه بير ويجدان دوستاغيدير؛ و اؤز-خوشونا حبسه معروض قالاراق ساغلامليق و سربستليک حاقلاريندان يوخسون ائديلميشدير. بلليدير کي، اونون حيات يولداشي متین پور خانيم طبابت ساغلاماق اوچون هر بير واسيطه ني سيناييب، باشاريلي اولامامميشدير. ايندي سيزه خاطيرلاتماق ايسترديک کي، سيز تکجه بير قورومسونوز کي بين الخالق مانداتلارينيز ايله جيدي آدديم آتا بيلرسينيز و اونون ساغلامليغيني ساغلايا بيلرسينيز.

ايندي جناب متین پور اوغروندا عدالت و اونون ساغلامليغيني قوروماق يالنيز سيزين عهده نيزدن گه لر.

قايغينيز اوچون ميننتداريق.

حؤرمت ايله: بؤيوک رسول اوغلو

دونيا آذربايجانليلاري نين حاقلاريني مودافيعه کوميته سي نين صدري

انگلیس جه کامیل دوسیانی آشاغیداکی لینکده ن آلابیلر سینیز

http://www.4shared.com/file/T-17TJvZ/DunAzHAK_Update_2_Seid_Metinpu.html