ایران آذربایجان-دا اؤزونه یاخین سوسیال گوج فورما‌لاش‌دیرماق ایسته ییر
فینلاندیادا فعالیت گؤسترن آذربایجان میللی آزادلیق حرکاتی ایرانین آنتی‌آزربایجان تبلیغاتی‌نین دایاندیریلماسی طلبی ایله اعتراض بیاناتی وئریب. دونیا آذربایجان‌لی‌لاری کونقرئسی (داک) موتمادی اولا‌راق بیانات‌لاری ایله ایرانین علیه یمیزه یؤنلتدیگی کامپانیایا و آزربایجانین داخی‌لی ایشلرینه موداخیله ائتمه‌سینه اعتراضینی بیلدیریر.
عمومیتله، حاضردا ایران ندن ناراحات‌دیر؟ بو تبلیغاتین آرخاسیندا نلر دورور؟ اوسته‌لیک، ایران آزربایجانین ایگیرمی فایز تورپاق‌لارینی ایشغال ائدن ائرمنیستانلا علاقه‌لرینی گوجلندیریر، بو گون‌لرده ایران‌دان ائرمنیستانا نئفت محصول‌لاری‌نین ایخراج اولونماسی اوچون بورو کمری‌نین چکیلمه‌سینه دایر راضی‌لیق الده اولونوب. میللی.آز-این بو و دیگر سوال‌لارینی تورکییه‌ده یاشایان متخصص، ایران مسئله‌لری اوزره آنالیتیک، گوناسکام سایتی‌نین باش رئداکتورو داوود توران جاوابلاندیریر.
- سون دؤورلرده ایران مئدیاسی، دینی مرکزلری آذربایجانا قارشی تبلیغات‌لارینی فعاللاشدیریب‌لار. سیزجه، ایران، ندن ناراحات‌دیر؟
- ایران ایسلام رئسپوبلیکاسی آذربایجانین یارانماسین‌دان همیشه ناراحاتچی‌لیق کئچیریب و عینی زاماندا اونون گوج‌لو اولماسینی ایسته میر. اؤزو اوچون بل‌لی فاکت‌لار گتیرمه‌یه چالیشیر. بو فاکت‌لار بیرباشا اولا‌راق، گونئی آذربایجان مسئله‌سیله باغلی‌دیر. بیلیرسینیز کی، آذربایجانین گونئیینده 30 میلیون‌دان چوخ آذربایجان تورکو یاشاماقدا‌دیر. آذربایجان دؤولتی‌نین اینکیشافی و گوج‌لو اولماسی گونئیه اؤز تأثیرینی گؤستریر. 1990-ایللرین‌دن باشلایا‌راق، گونوموزه قدر ایران آذربایجان دؤولتی‌نین گوج‌لو اولماسینی، اؤز دؤولت ماراق‌لاری اوچون تهلوکه اولا‌راق گؤرور. سون گون‌لرده ایسه ایران مئدیاسی‌نین و دینی مرکزلرین آذربایجانا قارشی آپاردیغی سیاسی-ایدئولوژی تبلیغاتینی 3 عاملله باغلایاردیم.
بیرینجی‌سی، آذربایجان پرئزیدئنتی جناب ایلهام علیئوین دونیا آذربایجان‌لی‌لاری‌نین همرای‌لیک گونو موناسیبتیله بوتون دونیا‌داکی آذربایجان‌لی‌لاری تبریک ائتمه‌سی و دونیادا 50 میلیونا یاخین آذربایجان‌لی‌نین اولدوغونو دیله گتیرمه‌سی اولموش‌دور. بو فیکرین آذربایجان رسمی‌لری‌نین طرفین‌دن سسلندیریلمه‌سی، ایرانی جدی شکیلده ناراحات ائدیب. حتی ایران موخالیفتی ده بونا قارشی چیخیش‌لار ائتدی؛
ایکینجی‌سی، مسئله ایسه “Wikiliks” سندلرینده آزربایجانین ایران باغلی فیکیرلری‌نین یئر آلماسی؛
اوچونجوسو، نارکوتیک اولای‌لاریندا آذربایجاندا ایرانین بیر نئچه سئپاه عضولرینین توتولماسی‌دیر.
بئله اولان حالدا ایران آذربایجاندا حجاب مسئله‌سینی فورصت اولا‌راق گؤرور، آذربایجانا قارشی تخریبات آپاریر. منه گؤره، آنتی‌تبلیغات ایران خاریجی سیاستی‌نین سیستئم‌لی پروقرامی چرچو‌سینده آپاریلیر.
- ایرانین آذربایجاندا ایسلام اینقیلابی‌نین گرچکلشدیرمه‌سیله باغلی سس‌لنن فیکیرلره موناسیبتینیزی بیلمک ماراق‌لی اولاردی؟
- آذربایجان موستقیل‌لیگینی یئنیجه اعلان ائتدیک‌دن سونرا ایران آزربایجانین ایسلام مودئلینده قورولماسینی ایستییردی و بونون اوچون الین‌دن گلنی ائدیردی. اما بون‌دان نتیجه آلمایینجا، بو، سیاست‌لرین‌دن ال چکدی‌لر. بون‌دان سونرا اینقیلابی گرچک‌لش‌دیرمک یئرینه، اؤزونه یاخین قروپ‌لاری دستکله‌یه‌رک ایستدیک‌لری بیر گوچ حالینا گتیریب، اونلاری شرایطه گؤره ایستیفاده ائتمک سیاستینه اوستونلوک وئریلمه‌یه باشلادی‌لار. بونو فلسطینده، لبناندا و عراقدا گؤره بیلریک. آذربایجانلا باغلی اولا‌راق اونو دئییم کی، بورادا ایرانین مسئله‌یه باخیشی ضدیت تشکیل ائدیر. بیر طرف‌دن، هم آذربایجاندا ایسلامچی و اؤزونه یاخین قروپ‌لاری دستکلییر. باشقا بیر طرف‌دن ده، ائرمنی‌لری دستکلییر. منه گؤره، ایران آذربایجاندا ایسلامی اینقیلاب گرچک‌لش‌دیرمک یئرینه، بورادا اؤزونه یاخین سوسیال گوج فورما‌لاش‌دیرماق ایستییر. بونون دا ان اؤنم‌لی هدفی ایسه آذربایجان دؤولتینه قارشی چیخیش ائتمک و اونون گوجلنمه‌سینه مانع اولماق‌دیر.
- ایراندا بو گون‌لرده خوجا‌لی سویقیریمی‌نین ائرمنی‌لرین لئهینه تحریف ادن www.garabagh.org سایتی‌نین ایستیفاده‌یه وئریلمه‌سی، بیر داها ایرانین آذربایجانین تاریخی قان یادداشین‌دان نئجه یرنج‌لیکله ایستیفاده ائتدیگینی اورتایا قویدو. بو سایت نیه قورولدو و اساس مقصد نه اولا بیلر؟
- سایتین قورولماسین‌دان آسی‌لی اولمایا‌راق، خوجا‌لی فاجعه‌سی بو گون دونیادا ثبوتا یئتیریلمیش بیر اینسان‌لیق سویقیریمی‌دیر. بو، فاکت‌دیر. ائرمنیستان اؤزونو نه قدر گوناه‌سیز اعلان ائتمه‌سینه باخمایا‌راق، اورتادا بؤیوک بشری جینایت فاکتی وار. بیرینجی سوالدا دئدیگیم کیمی، ایران آذربایایجانین گوجلنمه‌سین‌دن راحت‌سیز اولدوغو اوچون ائرمنیستان و ائرمنی‌لره دستک وئریر. بو گون ایرانین خاریجی سیاستی ایدئولوژی پرینسیپ‌لره سؤیکنن سیاست دئییل، چیخارلارینا و منفعت‌لرینه دایانان بیر سیاست‌دیر. اؤزونو ایسلامی بیر اؤلکه اولا‌راق، دونیادا یاشایان موسلمان‌لارین یانیندا اولدوغون ادعا ائله‌سه ده، اما بو ایش بیر داها گؤستریر کی، موسلومان‌لارا قارشی اینسان‌لیق جینایتی ائدن ائرمنی‌لرین دوشونجه‌لرینی دستکلییر و اؤز سیاست‌لرینده ائرمنیستانین اؤنمینی گوجلندیریر. ایستراتئژی سویه‌ده اونا دستک اولور.
حالبوکی، ائرمنی‌لرین تاریخ بویو آذربایجان‌لی‌لارا قارشی سویقیریم سیاستینی و خصوصیله، 1918-جی ایلده گونئیین خوی، سالماس و اورمودا تؤرتدیک‌لری جینایت‌لری، ایران تاریخچی‌لری هئچ بیر زامان گوندمه گتیرمزلر و اؤز اثرلرینده بو فاجعه‌لردن یان کئچیرلر.
- بو سایتین یارانماسی گونئی آذربایجاندا نئجه قارشیلانیب؟
- گونئی آذربایجان هر زامان ائرمنی‌لرین شیما‌لی آذربایجاندا تؤرتدیگی جینایت‌لره قارشی حساس اولوب. هله 1992-93-ایللرده ائرمنی‌لرین قاراباغ‌داکی جینایت‌لرینه اعتراض اولا‌راق، گونئیین بیر چوخ شهرلرینده گئنیش میقاس‌لی اعتراض آکسیا‌لار کئچیریلدی. گونئی‌لی طلبه‌لر تبریز، اورمو و تئهران اونیوئرسیتئت‌لرینده ائرمنی‌لری اؤز اعتراض سس‌لرینی اوجالتدی‌لار و حتی بو آکسیا‌لار تئهران‌داکی ائرمنیستان ائلچی‌لیگینه هوجوم‌لارلا دا موشاهیده اولوندو. او زامان ایراندا آذربایجان‌لی دین خادیم‌لری ده بو جینایت‌لر قارشی‌سیندا سس‌سیز قالمایا‌راق، اؤز اعتراضلارینی بیلدیردی‌لر. سونرا‌دان همین دین خادیم‌لری موخالیفت آدی ایله سوسدورولدولار. چونکی اونلار قاتی اوممتچی دئییلدی‌لر.
ایندی ایسه ایرانین ائرمنی‌لرین جینایت‌لرینی اؤرتباس‌دیر ائلمه‌سی و تاریخی تحریف ائتمه‌سی، بیر چوخ گونئی آذربایجان‌لی‌لار طرفین‌دن شدت‌لی بیر شکیلده قینانماقدا‌دیر. بو اعترازلارین یاخیندا اؤزونو داها گئنیش بیر شکیلده گؤسترمه احتیمالی دا واردیر. من بون‌دان امینم کی، هر بیر گونئی آذربایجان‌لی، بو تاریخی تحریف قارشی‌سیندا سس‌سیز قالابیلمز. گونئی‌لی‌لر اؤز سس‌لرینی ایرانین آغیر سیاسی فضاسی ایچری‌سینده فرق‌لی شکیل‌لرده دیله گتیره‌جک‌لر.
