گونئي آذربايجانلي تورک دوستلاريميز،

دونيادا سون 200 ايلده مئيدانا گلن حاديثه لر نتيجه‌سيند، بير چوخ ميلتلر، ميللت لشمه مودتيني تاماملاياراق، ميللي دؤولتلريني قوردولار.

چوخ تأسوف کي، اکثريتي ايسلام اينانجينا صاحيب، ميلتلر، بؤيوک اؤلچوده ايسلام دينين تاثيري ايله، دونيادا کي، بو اينکيشافا آياق اويدوراماديلار و ميللت لشمه مودتلريني تاماملاياماديلار.

دونيا سورعتلي بير ايجتيماعي اينکيشاف ايچينده‌دير و ميلتلرين، ميللت لشمه  و دؤولتلشمه پروسئسي، هله دونيانين ايجتيماعي اينکيشافينين ان آکتيو ديناميکلئريندن بيري وضعيتينده‌دير.

دونيا بو اينکيشاف مودتيني تاماملاماق مجبوريتينده‌دير.

دونيادا، ميللت لشمه و دؤولتلشمه پروسئسينه تاماملايامايان ميلتلردن بيري ده چوخ تأسوف کي، بيزلر، آذربايجان تورکلئريگيق.

سون 200 ايلد، روس ايشغاليندا اولان شيمالي آذربايجاندا، روسيياداکي ايجتيماعي اينکيشافلاري تاثيرييله مئيدانا گلن مودتده، ميللت لشمه  و دؤولتلشمه دؤورو تاماملانميش اولسا دا، ميلتيميزين بؤيوک اکثريتيني تشکيل ائدن، گونئي آذربايجان تورکلري، بو مودتي تاماملاياماميشتير.

تاريخي آخيشي کيمسه‌نين قاداغا شانسي يوخدور.

آما مودتي سورعتلنديرمک، پروسئسين اينکيشاف خطي تعيين ائتمک، ميلتيميزين، اؤز بئينيند، ميللت لشمه  مودتيني تاماملاميش ضياليلارينين الينده‌دير. (چوخ تأسوف کي، هله اؤز بئينينده ميللت لشمه  و دؤولتلشمه پروسئسينه تاماملايامايان ضياليلاريميز واردير)

دونيانين بوتون خالقلاريندا ميللت لشمه  و دؤولتلشمه مودتلريني، ضياليلار سورعتلنديرميش و تعيين ائتميشدير. ميللي قورتولوش ساواشلاري، ميللي قيياملار، ميللي دؤولت قوروملاري، او ميلتين ضياليلاري ليدئرليگينده اولموشدور.

ميلتيميز تاريخي پروسئسلرده، بؤلونموش، فرقلي دؤولتلر، سرحدلري ايچيند، ياشاماق مجبوريتينده اولموشلار.200 ايله ياخين مودت، فرقلي دؤولت سرحدلري ياشايان ميلتيميزين مدنيتلري آراسيندا موعين فرقليليکلر ده يارانميشدير. آنجاق بو فرقليليکلر، فرقلي ميللت لشمه  مودتلري ياراتسا بئل، ميلتيميزين تک اولان تورک ميللي کيمليگيني، اساس اولاراق آرادان قالديرماميشدير.

بو معنادا، فرقليلشن کولتورلريميزه باخماياراق ميلتيميزين بيرليگيني مودافيعه ائتمک، بو شوورو اينکيشاف ائتديرمک يئنه د، ميلليلئشميش آيدينلاريميزين وظيفه‌سيدير.

گونئي آذربايجان تورکلرينين، ميللت لشمه  و دؤولتلشمه پروسئسي، 50 ميليوندان چوخ آذربايجان تورکونون بيرليگي بوتؤولوغو دوشونجه‌سينين خاريجينده اله آلماماليييق.

گونئي آذربايجان تورکلرينين ميلتلشمه و دولت لشمه مودتيني تاماملاماسينا ليدئرليک ائتمک، بو پروسئسي سورعتلنديرمه‌يه چاليشماق، يالنيز، گونئي آذربايجانلي ميللي ضياليلارين وظيفه‌سي دئييل. بو وظيفه، دونيانين هاراسيندا ياشاديغيندان آسيلي اولماياراق، ميللي دوشونجه‌لي بوتون آذربايجان تورک ضياليلارينين وظيفه‌سيدير. طبيعي کي، اساس وضعيف، گونئي آذربايجانلي آيدينلاريميزين اوزرينده اولماق اوزره.

کئچديگيميز گونلرد، دونيانين موختليف بؤلگه‌لرينده ياشايان آذربايجان تورکلرينين، ميللتچي ضياليلاريندان بير قروپ، بو ايلين آپرئل آييندا، تورکييه‌ده، "بين الخالق، آذربايجان تورکلري 1. فورومو "آدلي بير ييغينجاق ائتمه قراري آلميشدير.

بو توپلانتينين بيرينجي مقصدي، دونيانين موختليف اؤلکه‌لرينده ياشايان، ميللي دوشونجه‌لي آيدينلاريميزين بير آرايا گله‌رک، ميلتيميزين پروبلئملريني دانيشمالاري، بير-بيرلرييله تانيش اولمالاري، اورتاق بير، ميللي روح ياراتماقدير.

ايکينجي مقصديميز ايسه، اهاليسي 50 ميليوندان چوخ اولان ميلتيميزين، ميللي منفعتلريني، بين الخالق پلاتفورمالاردا ساوونابيلئجئک، 50 ميليون آذربايجان تورکو آدينا حرکت ائده بيله‌جک، وطنداش خاراکتئرلي، دئموکراتيک اوصوللارلا سئچيلميش و نيسبي تمثيل سيستئمييله يارانميش آزربايجان ميللي کونسئييني ياراتماقدير.

فورومو ياراتماق ايشلريميز، داها سونرا يارانان، آذربايجان ميللي شوراسينين ائده‌جگي فعاليتلرين، جنوبي آذربايجاندا داوام ائتمکده اولان ميللت لشمه  و دؤولتلشمه پروسئسينه همچنين دونيانين موختليف بؤلگه‌لرينده ياشايان ميلتيميزين ديگر پروبلئملرين حلينه اهميتلي قاتقيلار ائده‌جگينه اينانيريق.

بو ايشلر و ياراديلاجاق ميللي کونسئيه، ميلتيميزين هاميسيندا، بوتؤولئشمه آرزوسونون اينکيشافينا، بؤيوک تؤهفه‌لر ائده‌جکدير.

گونئي آذربايجانلي تورک آيدينلاري، ائتمگي پلانلاديغيميز "بين الخالق، آذربايجان تورکلري 1. فوروم "او و ياراتماغي دوشوندويوموز "آذربايجان ميللي کونسئيي" گونئيييلی قوزئييلی بوتؤو آذربايجان تورکلرينين اؤنونه دوران، ميلتيميز آدينا تاريخي بير وظيفه‌دير.

سيزلري، بو تاريخي وظيفه‌ني قبول ائتميه، فوروم ايشلريميزه دستک وئرمه‌يه، ميللي کونسئييميزين ياراديلماسيندا آکتيو رول آلماغا دعوت ائديريک.

بين الخالق آذربايجان تورکلري 1. فورومو

تشکيلات کوميته‌سي