AZOH: Onlarla insanın öldüyü nümayişlərdən sonra Suriya hökuməti daha bir güzəştə gedib. Etirazların hədəfində olan Suriya hökuməti istefa verib.

Suriya Dövlət Televiziyası prezident Bəşər Əsadın kabinetin istefasını qəbul etdiyini açıqlayıb.

Hökumətin istefası Əsadın hökumət əleyhinə etirazları yatışdırmaq üçün geri addım atması kimi dəyərləndirilib.

Suriya prezidentinin hökumətin istefasından sonra 24 saat içərisində xalqa müraciət edəcəyi və fövqəladə vəziyyət rejiminin ləğv olunduğunu açıqlaması gözlənilir.

Qeyd edək ki, Əsad keçən həftə çoxpartiyalı sistem, azadlıqların artırılması və fövqəladə vəziyyət rejiminin ləğvi kimi tədbirləri əhatə edən islahatlar paketini açıqlamış, ancaq bu, aksiyaların qarşısını almaq üçün kifayət etməmişdi.

TRT