ایران آدلانان راسیست دؤولتین پارلامئنت سئچیم‌لری ایله باغ‌لی گونئی آذربایجان قورتولوش پارتیاسی‌نین گؤروشو
ایران آدلانان راسیست دؤولتین پارلامئنت سئچیم‌لری و ایشغال آلتیندا اولان گونئی آذربایجان سورونو ایله باغ‌لی گونئی آذربایجان قورتولوش پارتیاسی‌نین گؤروشو
1. اؤزت باخیش
2012-03-02 (12-12-1390) تاریخی ایران آدلانان دؤولت سیستئمی‌نین ´یسلامی شورا مجلیسی´نین 9-جو دؤنم سئچیم‌لری گونودور. بو دؤنم اؤنجکی‌لردن داها دا سرت بیر توتومدا خامئنئیی‌نین بیر باشا اوتوریته‌سی آلتیندا‌دیر. گئچن جومهور باشقانلیغییلا رئژیمین اؤز ایچین‌دن پؤرنیش وئرن آز دا اولسا دئموکراتیک بویا‌لی “یاشیل” آدلی آیاقلانمانین رادیکالجاسینا دارما-داغین ائدیلمه‌سین‌دن سونرا، خامئنئیی دیکتاتوراسی داها دا net سئچیم تاویری اورتایا قویدو. “یاشیلچی لیدئرلرین قئری فارس میللت‌لره قارشی شووینیست داورانیش‌لاری سونوجوندا، حرکت تئهران کوچه‌لرینده هبس ائدیلدی. رئژیمین بو قولونون دا فارسچی ماهیتی اوزه چیخینجا، باشدا آذربایجان تورک‌لوگو اولماقلا قئری فارس میللت‌لرین پانفارس رئژیمین ایچ داواسین‌دان اوزاق دوردوق‌لاری دونیا مئدیاسیندا گئنیش یئر آلدی. رئژیمین ییرتیجی حاکم قولو وار گوچو ایله، یاشیلچی لیدئرلری ائتگیسیزلشدیردی. بو، رئژیمین داها دا دئسپوت اولماسی اوچون گئچری بیر فورصت یاراتدی.
خامئنئیی-اهمدینژاد تیمی‌نین بو فورصت‌دن یارارلانا‌راق ایچ آریندیرما سیاستی سونوندا ایسلاهاتچی‌لار آدی ایله تانینان رقیب قوروپ و شخصیت‌لرین اورقان‌لاردان اوزاق توتولماسی خیزلاندی. پانفارسچی فوندامئنتال رئژیمین بیراز ایلیق اولان قولونون سوسدورولماسی ایله تیم ایچی ساواش‌لارین باشلانماسی بیر او قدر ده اوزون سورمه‌دی. رئژیمین آتوم ماجراسی، آردی-آردینا گلن اولوسلاراراسی آمبارقولار، قئری فارس میللت‌لره قارشی سرت سیاسال-کولتورل آپئرتئید اویقولانماسی، ائکونومیک دورومون تام بیر رزالت حالا گلمه‌سی، اینسان حاق‌لاری‌نین ان ایلکین اؤزول داش‌لاری‌نین وحشیجه‌سینه پوزولماسی، قادین‌لارا قارشی آچیق-آیدین اینسان‌لیق دیشی داورانیش‌لارین سورمه‌سی، رئژیمین سلاح‌لی گوج‌لری طرفین‌دن نارکوتیک مانشروت‌لاری‌نین ایداره اولونماسی‌نین آچیغا چیخماسی، هر هانسی اعتراض سسی‌نین آنیندا بوغولماسی، زین‌دان‌لارین سورک‌لی اولا‌راق دولوب-بوشالماسی، گیزلی و آچیق دار آغاج‌لاری‌نین قورولماسی‌نین آلیشیق حالا گلمه‌سی و یوزلرجه اورتادا اولان سوسیال فلاکتین هر گون درینلشمه‌سی فارسچی رئژیم اوچون اوچوروم سیقنال‌لاری‌دیر. آتا‌لار دئمیشکن”یئر ایری اولونجا، اؤکوز-اؤکوزدن گؤرر!” بو اوزدن، رهبرله پریزئدئنت آراسیندا سوچ آریندیرما یاریشی آن با آن درین‌لییه وارماقدا‌دیر. خامئنئیی، هر چیخیشیندا چووالدوز اولماسا بئله، بیر ینه اهمدینژادا وورماق‌دان واز گئچمییر. اهمدینژاد ایسه، رهبرین بو داورانیش‌لارینا اویغون بیر فورمادا قارشی‌لیق‌لیق وئریر. بیر چوخ پولیتولوغا گؤره، رئژیم ایچی ساواش آلانی‌نین بو درجه دارالماسی بیر سون آشاما گؤسترگه‌سی اولابی‌لر.
12 ایسفند (2 مارت) سئچیم‌لری‌نین گئدیشاتی‌نین تام بیر رئژیم ایچی یاریشی‌نین اؤرنیی کیمی گؤرملیگیک. Net ایزلنیم‌لره گؤره، قارشی‌دان قلن سئچیم‌لرین ایچریگی‌نین تام بیر خامئنئیی باغلی‌لیق‌لی اولماسی قاچیریلمازدیر. چونکی، اهمدینژاد تیمی‌نین رهبره کوز توتا‌جاق گوجو یوخ‌دور. اونلار همین مج‌لیسه گیرمک اوچون خامئنئیی‌نین آغا‌لیغینی قبول ائتمک گریینده‌دیرلر. ائله بو اوزدن، باغیم‌سیز سیاسی اوزمان‌لارا گؤره، پارلامئنت سئچیم‌لری سونراسی ایران آدلانان دؤولتین دینسل شووینیست کیم‌لیگی داها دا درین‌لشه‌رک موطلق بیر دئسپوتیزمه چولغایا‌جاق.
2. تورک آدای‌لاری!
کسین اولا‌راق 9.جو ایسلامی مج‌لیسه گیرمیش اولان آدای‌لارین کسین چوخونلوغ، فارسچی رئژیمین فاناتیکلشمیش فیقورلاریندان اولوشا‌جاق‌دیر. رئژیمین مغلوب قولونون ایلک کز اولا‌راق سئچیم بویکوتونا گئتمه‌سینی ده گؤز اونونه آلارساق 9-جو مجلیس سئچیم‌لری‌نین اوی آلنی‌نین 100-ده 30-لارین آلتینا قالماسی گؤزلنیلیر. ائله بونا گؤره ده، بو دؤنمین بوتون آدای‌لاری موهافیزکار فوندامئنتالیست “اوسولگرا” (کؤکدنچیلر/تملچی‌لر) قولو طرفینده دوزنلنمیش چئشیدلی لیسته‌لرده یئرلشیر.
آذربایجان تورک میللتی‌نین و باشقا سؤمورولن میللت‌لرین ایچین‌دن ده، قوللوقچو سئوداسیندا اولان‌لار آز اولمایا‌جاق‌دیر. اؤز آنا حاق‌لاری و میللتیله باغ‌لارینی قوپاران بئله قوللوقچولارین شووینیست-فودامئنتال رئژیمه یئم اولماسی و اؤز دوغما میللتینه قارشی اوینانان دوشمن اویون‌لاردا یئرلی آکتور رولو آلماسی قاچیریلمازدیر. سؤزسوز کی، 54 ایللیک پهلوی، 32-ایللیک ایسه، سیاسال شیچی‌لیک ایدئولوژی‌سی‌نین ایچینده بارینان پانفارچی ایدئولوژی‌نین ییخیجی گوجو سون درجه گئنیش، درین و بؤیوک اولموش‌دور. بو ییخیجی گوجون یاشام بویوت‌لو هوجومو آرخاسیندا، تورک وارلیغینا قارشی اولان درین نیفرتین سینیری اولمامیش و ایندی ده یوخ‌دور. فارس شووینیزمی‌نین آذربایجان تورک‌لوگونه قارشی اورتاداکی تاویری‌نین تملینده آغیر بیر سانجی و قورخو دایانماقدا‌دیر. سون گون‌لرده ایران دیش ایشلری باخانی صالحی‌نین تورکییه مئدیاسینا وئردیگی ~یراندا 100-ده 40 تورکجه دانیشیلیر!~ سؤزلری‌نین آلتینداکی قورخونج اعترافا دقت ائدرسک، تورک‌لرین بو اؤلکه‌ده تام بیر چوخونلوق اولدوغونون رسمی بیر آغیزدان چیخماسی نورمال بیر ایفاده دئییل‌دیر. اویله‌سه، فارس آزین‌لیغی‌نین موطلق دیکتاتورلوغو اونون رسمی‌سین‌دن ائشیدیلیر. بل‌لی اولور کی، فارسچی حاکمیتین سورمه‌سی تام بیر ائتنیک آپارتئیدی‌دیر. پانفارسچی رئژیمین ان بؤیوک قایغی‌سی دا بودور. رئژیم اوچون گون‌لر چوخ سرعتله گئچیر. بو رئژیمین ان بؤیوک دوستو اویوموش آذربایجان تورکو، ان چتین دوشمنی ایسه آییق-ساییق آذربایجان تورکودور! رئژیم، اویوموش تورک وارلیغی‌نین بیتمه دؤنمی‌نین یئتیشدیگینی و قارشی‌سیندا اؤز وارلیق ایلکه‌لرینه دایانان اولو بیر تورک گرچ‌لیگینی گؤرمکده‌دیر. ایران عیسیلام رئژیمی‌نین ایش باشینا گلمه‌سیله یاناشی آذربایجان خالق موسلمان پارتیاسی‌نین یارانماسی تورک-فارس آراسیندا اولان اولوسال-سیاسال اوچورومونو بیر داها گؤستر ده،”گونئی آذربایجان میللی حرکاتی” بو اوغورسوز ایلیشگی‌نین سون قوپما نقطه‌سی‌دیر.
بیر “تورک آدایی”نین بو گرچک‌لری بیلمه‌سی گرکیر کی:
آ) آدینا میللت وکی‌لی اولماق ایسته‌ین میللتی‌نین دردی فارسچی رئژیمین پارلامئنتینده چؤزولمز!
ب) او، خیدمتله خیانتین توققوشما نقطه‌سی‌نین میللته عایید اولماسینی بیلمه‌لی‌دیر. او، میللتی‌نین بو سئچیم‌لردن اوزاق قالماسی‌نین درین آنلامینی بیلمه‌لی، اؤز کؤله دوروشو ایله دوغما‌لاری گؤزونده خایین اولماق‌دان قاچینما‌لی‌دیر.
ج) میللت آدینا آدای اولان تورکون بیلمه‌سی گرکیر کی، پارلامئنتینه گئتمک ایستدیگی پانفاشیست فارسچی رئژیم بالاسی‌نین دیلینه-میللی وارلیغینا قنیم کسیلمیش ککین بیر دوشمن‌دیر. تورک آدایی هر شئی‌دن اؤنجه 35 میلیونلوق آنادیلین‌دن یوخسون اولان “آذربایجان تورک میللتینی”نین چئیننمیش حاق‌لارینی دوشونمه‌لی‌دیر.
د) آذربایجان‌لی تورک آدای دوشونمه‌لی‌دیر کی، اونون آدییلا فارسچی مج‌لیسه گئدن‌لرین بیر آنلیق یاشام تیمینات‌لاری یوخ‌دور. او، بونو دوشونمه‌لی‌دیر کی، ندن تیراکتور فانات‌لاری‌نین یئری زین‌دان‌لاردا، میلیون‌لار ائورو بو میللتین پاراسینی چالان‌لارین یئری ایسه سیجاق سارای‌لاردا‌دیر.
ائ) “آذربایجان تورک میللتی” آدین‌دان فارسچی پارلامئنته آدای اولان بونو بیلمه‌لی‌دیر کی، ایسفهانین “زایندئرود” چایی قوروماق ارفه‌سینده ایکن عرب میللتی‌نین “کارون” چایی‌نین بوتون چئوره سددلرینی باغلادی‌لار و نئچه آی ایچینده مین‌لر کیلومئتره بویونجا کانال چکیب، کارون چایی‌نین سویونو زایندئرودا تؤکدولر. کارون‌دان زایندرودا سو تؤکولن گون ایسفهاندا میللی بایرام توتولدو. ماهنی‌لار اوخوندو، میللت اوینادی و دؤولت اورقان‌لاری طرفین‌دن قوناق‌لیق‌لار یولا سالیندی، علمی کونفرانس‌لار قورولدو. آنجاق، آذربایجانا گلینجه، اورمو گؤلو جان وئریر، میللت اونا قان وئریر!!! بو میللتین جانین‌دان اولان، قانین‌دان اولان، اورتاداکی فرقی بیلمه‌سه اؤلمیی قالماؤین‌دان یئیدی!
ف) آذربایجان تورک‌لوگو آدین‌دان دوشمن پارلامئنتینه آدای اولان بونو بیلمه‌لی‌دیر کی، اونون میللتی‌نین وئردیگی وئرگی‌لرین بؤیوک بؤلومو افغانیستان و تاجیکیستاندا یاییلان فارسجا ائییتیم کیتاب‌لارینا گئدیر. او، بونو بیلمه‌لی‌دیر کی، 20 میلیونلوق فارس دیل‌لی ایران وطنداشی‌نین دیشیندا قالان 55 میلیونلوق فارس اولمایان میللت‌لرین او جمله‌دن 35 میلیونلوق اؤز میللتی‌نین بیر دانا دا اولسون اؤز دیلینده یازیلان کیتابی یوخ‌دور.
گ) تورک آدای، تورک قان‌لی‌سی، موسلمان قان‌لی‌سی اولان قاتیل سئرکئزیانین “من اهمدینژادی گؤرنده، سانکی اؤز قارداشیمی گؤرورم!”سؤزلری‌نین آنلامینی دوشونمه‌لی‌دیر. ائرمنی باشچی‌سی‌نین آذربایجان و تورکییه تورک‌لرینه یاپدیق‌لاری جینایت‌لرده فارس باشچی‌لاری‌نین بؤیوک رولو اولموش و سورمکده‌دیر. خوجا‌لی سویقیریمی ایلدؤنومو یاخیندا‌دیر. تورک آدایی بو سویقیریمین اونا عایید اولدوغونو اونوتمامالییدر
ه) آذربایجان‌لی آدای بیلمه‌لی‌دیر کی، چؤللوک “کیرمان” شهری قاراداغین “سونگون” مدنی‌نین قیزی‌لی و میسی سایه‌سینده بؤیوک فابریکا‌لارا صاحب اولوب، سینیرسیز ثروت‌لر قازانیب، قورو و سوگؤرمز قومسال‌لیق‌لاردا گئنیش یاشیل اراضی قوراشدیریب‌دیر. آنجاق، قاراداغا گلینجه کوتله‌سی آجلیق سینیری آلتیندا اینلییر، گنج‌لیگی بیر بلله چؤرک تاپماق اوچون قیزیل دوغماسینی ترک ائده‌رک تئهرانین بازارلاریندا هامبال‌لیق ائدیر.
1.جی بؤلومون سونو
گونئی آذربایجان قورتولوش پارتیاسی
سیاسی بؤلوم
