گادپ: 9-جو پارلئمئنت سئچکیلری تحریم !
دیرلی وطنداشلار:
ایران پارلئمئنتی ، رئژیمین 33 ایللیک قانلی فوندامئنتالیست و دیکتاتورلوق حاکمیتی سورهسینده،فارس شووینیزمینین حقیقی قانونوئریجی تمسیلچیسی اولاراق، ایقتسادی ،سیاسی و میللی جهتدن آذربایجان تورک میللتینه قارشی اونون باسقی قولو اولموشدور.
ایسلام جومهریتینی یارادانلار و حؤکم سورنلر چوخسایلی بؤلوملره پارچالانمیشدیر . ایسلاهاتچیلارا(فارسلارین میللی مذهبی لیبئراللاری) موسئوی کرروبی رهبریتینده اولانلارا آچیق ساواش اعلان اولونوب .ایللر بؤیو حؤکم سورن رفسانجانی قانادی دیشلانماقدادیر .2005-جی ایلده موهافیزکارلار ،حربی
قوهلری احمدی نئژادین تمسیلینده اؤلکهنین بوتونلوگونده حؤکملرینی سورسهلرده ،بو گون ایچلرینده پارچالانما باش وئرمیشدیر .
دئمک پارلامئنت سئچکیلری ،فارس شووینیست موهافیزکارلار جبههسینین ایچینده،گوجون پای - بؤلوشوک آلانینا چئوریلمیشدیر. سئچکیلرده موهافیزکارلار نئچه دییشیکلی جبههلر آدی آلتیندا قاتیلسالاردا ،اصل داوا ،خامنئیی –همدنئژاد قودره ت داواسی اولموشدور، بو قودرت داواسی خامنئینین لئهینه قورتارماسی بللیدیر ، خامنئیی دئوریم موهافیزلئر لیدئرلرینین چوخونلوغونو و بسیج گوجونو حالا اؤز ائتگیسی آلتیندا ساخلاماغی باجارمیشدیر.
سئچیملره موهافیزکارلارین ایکی قانادینین دیشیکلی جبههلر آدی ایله قاتیلمالاری و بیر - بیرلرینه قارشی میدان اوخومالاری ،سئچکیلره هیاجان یاراتماق و اینسانلاری ساندیغا چکمک اوچونده اولماسا بئله بیزیم میللتیمیزین مسئلهسی دئییل . دیگر طرفدن بو حربی گوجلرین سئچکیلرده ساختاکارلیقلاری بللی بیر پروسئسدیر .نظارت اورقانلاری باشدا قوروجولار شوراسینین دورومو هر کسه بللیدیر، بو گوجلرین اولدوغو حالدا هر سئویلن آدای دئییل ایستنیلن آدای پارلامئنته یول تاپاجاقدیر.
کئچمیش پارلامئنت سئچکیلرینده سئچکیلردن اؤنجه میللی حرکاتی تبلیغ ائتمک ایمکانی اولسا دا ایندی ایسه تام بؤغونتو و خفقان هاکیمدیر. موهافیزکار هاکیم قوروپلار دئدیکلرینه گؤره بؤیوک شهرلرده 18 فایزین ایشتیراکی بکلنیر .
بو اویونا قاتیلیب سس وئرمک میللتیمیز یانیندا میللی حرکاتیمیزین پرینسیپلرینی اوجوز اویونا قویماقدیر.بو سئچکیلر بیزه هئچنه قازاندیرمایاجاقدیر.
میللی و اینسانی حاقلاریمیزی هر زامان تاپدالامیش ،33 ایللیک دؤنمده هر ساحهده اولدوغوندان داها چیرک این بیر گؤرونتو یاراتمیشلار، اورمو گؤلونون قورودولماسی دا گونئی آذربایجانی آغیر بیر دوروما سالمیشدیر .
اقتصادی و سیاسی دوروم شووینیست رئژیمی هم ایچریده هم ده دیشاریدا اولدوقجا آغیر و درین بحرانلارلا اوز-اوزه قویموشدور.
اؤلکهده اومومی ارزاقلارین هر گون باهالاشماسی،رئژیمین یالنیش اقتصادی پروقراملار نتیجهسینده پولون دیرینین اینانیلماز درجهده
آشاغی دوشمسی، اویوشدوروجو ماددهلرین پروبلئمسیز یاییلماسی، ایشسیزلیک، گلهجهیه اومودسیزلیک و دیگر طرفدن ده رئژیمین نووه سیاستی اساسیندا اینسانلار ایللردیر ساواش حالیندا یاشاییرلار و دیشارینین ائمبارقولاری اؤز آغیرلیغینی گؤسترمهیه باشلیییب . ایران دا یاشایان بوتون میللتلری میللی، اقتصادی و سیاسی چتینلیکلرله قارشی-قارشییا قویموشلار.
ایران ایسلام جومهوریتی اصلاحاتا دوغرو یوخ پارتلاماغا دوغرو گئتمکدهدیر ،گونو -گوندن ایراندا میللتلر ایچینده حاکمیت دایرهلرینه نیفرت چوخالیر و اینقیلاب نغمهلری یوکسلیر.بو دورومدا بیز نئجه بونلارین پارلئمئنتینی تبلیغ ائدیب میللتیمیزدن اونا قاتیلماغی ایستهیه بیلریک؟.
گونئی آذربایجان دئموکرات پارتیاسی (گادپ) ایران شووینیست رئژیمینین 9-جو پارلئمئنت سئچکیلرینی بایکوت ائدیر و بوتون وطنداشلاریمیزی سئچکیلرده ایشتیراک ائتممهیه چاغیریر.
گونئی آذربایجان دئموکرات پارتیاسی (گادپ)
2012.02.23
9-cu parlement seçkiləri təhrim !
Dəyərli vətəndaşlar:
İran parlementı , rejimin 33 illik qanlı fundamentalist və diktatorluq hakimiyyəti surəsində,Fars şovinizminin həqiqi qanunverici təmsilçisi olaraq, iqtsadı ,siyası və milli cəhətdən Azərbaycan Türk millətinə qarşı onun basqı qolu olmuşdur.
İslam cümhriyyətini yaradanlar və hökm sürənlər çoxsaylı bölümlərə parçalanmışdır . İslahatçılara(Farsların milli məzhəbı liberalları) Musevi Kərrubi rəhbəriyyətində olanlara açıq savaş elan olunub .İllər böyü hökm sürən Rəfsancanı qanadı dışlanmaqdadır .2005-ci ildə mühafizəkarlar ,hərbi
quvvələrı Əhmədi Nejadın təmsilində ölkənin bütünlüyündə hökmlərini sürsələrdə ,bu gün içlərində parçalanma baş vermişdir .
Demək parlament seçkiləri ,Fars şovinist mühafizəkarlar cəbhəsinin içində,gücün pay - bölüşük alanına çevrilmişdir. Seçkilərdə mühafizəkarlar neçə dəyişikli cəbhələr adı altında qatılsalarda ,əsl dava ,Xamneyi –Əhmədnejad qüdrə t davası olmuşdur, Bu qüdrət davası Xamneynin lehinə qurtarması bəllidir , Xamneyi devrim mühafizler liderlərinin çoxunluğunu və Bəsic gücünü hala öz etgisi altında saxlamağı bacarmışdır.
Seçimlərə mühafizəkarların iki qanadının dəyşikli cəbhələr adı ilə qatılmaları və bir - birlərinə qarşı meydan oxumaları ,seçkilərə həyacan yaratmaq və insanları sandığa çəkmək üçündə olmasa belə bizim millətimizin məsələsi deyil . Digər tərəfdən bu hərbi güclərin seçkilərdə saxtakarliqları bəlli bir prosesdir .Nəzarət orqanları başda qorucular şurasının durumu hər kəsə bəllidir, bu güclərin olduğu halda hər sevilən aday deyil istənilən aday parlamentə yol tapacaqdır.
Keçmiş parlament seçkilərində seçkilərdən öncə milli hərəkatı təbliğ etmək imkanı olsa da indi isə tam böğüntü və xəfəqan hakımdır. Mühafizəkar hakım quruplar dediklərinə görə böyük şəhərlərdə 18 faizin iştirakı bəklənir .
Bu oyuna qatılıb səs vermək millətimiz yanında milli hərəkatımızın prinsiplərini ucuz oyuna qoymaqdır.bu seçkilər bizə heçnə qazandırmayacaqdır.
Milli və insani haqqlarımızı hər zaman tapdalamış ,33 illik dönəmdə hər sahədə olduğundan daha çirk in bir görüntü yaratmışlar, Urmu gölünün qurudulması da Güney Azərbaycanı ağir bir duruma salmışdır .
İqtisadı və siyası durum şovinist rejimi həm içəridə həm də dışarıda olduqca ağır və dərin böhranlarla üz-üzə qoymuşdur.
Ölkədə ümumi ərzaqların hər gün bahalaşması,rejimin yalnış iqtisadı proqramlar nəticəsində pulun dəyərinin inanılmaz dərəcədə
aşağı düşməsı, uyuşdurucu maddələrin problemsiz yayılması, işsizlik, gələcəyə umudsizlik və digər tərəfdən də rejimin nüvə siyasəti əsasında insanlar illərdir savaş halında yaşayırlar və dışarının embarqoları öz ağırlığını göstərməyə başlıyıb . İran da yaşayan bütün millətləri milli, iqtisadi və siyasi çətinliklərlə qarşı-qarşıya qoymuşlar.
İran İslam Cümhüriyyəti islahata doğru yox partlamağa doğru getməkdədir ,günü -gündən İranda millətlər içində hakimiyyət dairələrinə nifrət çoxalır və inqilab nəğmələri yüksəlir.Bu dürümda biz necə bunların parlementini təbliğ edib millətimizdən ona qatılmağı istəyə bilərik?.
Güney Azərbaycan Demokrat Partiyası (GADP) İran şovinist rejiminin 9-cu parlement seçkilərini baykot edir və bütün vətəndaşlarımızı seçkilərdə iştirak etməməyə çağırır.
Güney Azərbaycan Demokrat Partiyası (GADP)
2012.02.23