گادپ-این بایرام تبریکی
گونئی آذربایجان دئموکرات پارتییاسی (گادپ) اولاراق، بو تاریخی و میللی بایورام موناسیبتیله آذربایجان تورک میللتینی اؤزللیکله میللی شهیدلریمیزین عائلهلرینی، فارس شووونیزمینین دوستاقیندا اولان گونئی آذربایجان میللی حرکتینین مهبوسلارینی و اونلارین آییلهلرین قوتلایاراق، شهیدلریمیزین خاطرهسین ائزیزلییریک و مهبوسلاریمیزا ایسه بو یئنی ایلده آزادلیق آرزولاییریق. اومید ائدیریک بو یئنی ایل میللتیمیزین اؤزگورلوگو و اؤز موقئددئراتینا صاحب اولماسی و اونون یولوندا موباریزهسی اوچون یارارلی بیر ایل اولسون.
یئنی گون بایرامی آذربایجان تورک میللتینین ان تانینمیش و سئویملی بایرامیدیر. محمود کاشغارلی دیوانئ لوغاتی تورکده بو بایرامی یئنی گون آدلاندیرمیشدیر. زامان زامان بو بایرام ائرگئنئکون ، اوغوز، چاغان، اولوسون اولو گونو، سلطانی نووروز یا بوگون دئییلئن نووروز آدی ایله تانینمیشدیر! آذربایجان دؤولتینین اؤنریسی اساسی ایله ب.م.ت-ده یئددی اؤلکهنین رسمی بایرامی کیمی آنیلمیشدیر.
یئنی گون بایرامی (نووروز بایرامی) طبیعتین یئنیدن جانلانماسیندان و یازین گلمهسیله تانینمیشدیر. یاز بایرامی گونئی آذربایجاندا یئنی ایلین باشلانماسیلا دا باغلانیلیبدیر.
فارس شووئنیزمینه و ایستئمارا قارشی میللی موباریزهسینده داها سیخ بیر آرادا اولماغا چاغیراراق میللی موجادیلهسینده داها باشاریلار دیلییریک.یاخین گلهجکده قوزئی آذربایجانیمیزدا اولدوغو کیمی گونئی آذربایجانیمیزدا دا بو بایرام میللی دؤولتیمیزده دؤولت سویهسینده کئچیرلمهسین آرزو ائدیریک. بوتون تورک دونیاسی، نووروزو قوتلایانلار، اؤزللیکله آذربایجان تورکلرینین بو تاریخی و اؤنملی بایرامین قوتلاییریق.
گونئی آذربایجان دئموکرات پارتییاسی (گادپ)