AZOH: Fransa və Qətərdən sonra İtaliya da Liviya müxalifətini legitim tərəf müqabili olaraq qəbul etdiyini açıqlayıb.

Liviyada isə Qəddafi tərəfdarları ilə əleyhdarları arasında qanlı toqquşmalar davam edir. Misurata və Breqa kimi neft mənbələri ilə zəngin olan kritik şəhərlər uğrunda mübarizədə üstünlük tez-tez dəyişir.

NATO-nun ölkədə həyata keçirdiyi hava əməliyyatı istənilən nəticəni vermir. ABŞ hava əməliyyatında iştirakdan çəkildiyini, ancaq NATO tələb edərsə və Senat təsdiqləyərsə, yenidən əməliyyatda iştirak edə biləcəyini bəyan edib.

NATO isə 90 ABŞ təyyarəsinin əvəzinə digər müttəfiqlərə məxsus təyyarələri alacağını və əməliyyatın fasiləsiz davam edəcəyini açıqlayıb.

Müxalifətin şərtli atəşkəs təklifini rədd edən Qəddafi isə beynəlxalq dəstək axtarışlarını davam etdirir.

Qəddafinin şəxsi mesajını çatdırmaq üçün Liviya xarici işlər nazirinin müavini Abdulati Ubeydi Yunanıstana gedib. Ubeydinin daha sonra Malta və Türkiyəyə də səfəri gözlənilir.

TRT