Abbas Lisaninin bir illik həbs cəzası təsdiq edildi

“Amerikanin Səsi”nin əldə etdiyi məlumata əsasən, Ərdəbil Apellyasiya Məhkəməsi tanınmış güneyli fəal Abbas Lisaninin ərizəsini rədd edərək , onun haqda çıxarılan bir illik həbs cəzasını təsdiqləyib.

Abbas Lisani haqda Ərdəbil Məhkəməsinin qərarıAbbas Lisani haqda Ərdəbil Məhkəməsinin qərarı

Cənab Lisani məhkəmənin ictimaiyyət üçün açıq keçməsini tələb etmişdi. Lakin  onun tələbi qəbul olunmayıb və onun müraciəti ilə bağlı 3 məhkəmə iclasının heç birində o özü iştirak etməyib.

Bir il həbs cəzası fəalın 2011-ci ildə Urmiyə gölü ilə bağlı keçirilən kütləvi etirazlarda iştirakı ilə əlaqədardır.

Qeyd olunur ki, Ərdəbil məhkəməsi  Abbas Əsəd oğlu Lisanini 2011-ci ildə Urmiyə Gölü ilə bağlı bir layihənin [İran Parlamenti tərəfindən] rədd edilməsindən sonra Ərdəbil vilayətində əhalini şəhər meydanlarında etiraz aksiyası təşkil etməyə çağıran “separatçı qrupların əsas ünsürü” kimi təqdim edib.

Abbas Lisani haqda Ərdəbil Apellyasiya Məhkəməsinin qərarıAbbas Lisani haqda Ərdəbil Apellyasiya Məhkəməsinin qərarı

Abbas Lisani bundan əvvəl də İranın müxtəlif məhkəmələri tərəfindən həbs cəzası alaraq dəfələrlə Ərdəbil, Təbriz, Yəzd və Əhər kimi şəhərlərin Ettelaat həbsxanaları və mərkəzi zindanlarında saxlanıb.

Amnesty International həmin illərdə onu vicdan məhbusu adlandırıb.

Share/Save/Bookmark