ایستیقلال، اوچمایا قانادین اولماسیدی! - محمد احمدی زاده

ایستیقلال گئچمه یه یاشیل ایشیغی گؤزله مکدی

دوشونجه لرینین اؤنونه قیرمیزی ایشیقلاری قویماماقدی

ایستیقلال گونونو کیتابسیز گئچیرمه مک دی

 ائوینده آی به آی آنا دیلینده کیتابلارینی آرتیرماقدی

ایستیقلال اوشاقلارینلا آنادیللرینده دانیشماقدی

 اؤز دوغما دیللرینده شعر اوخویوب، اونلارلا اویناماقدی

ایستیقلال قادینلارین، اوشاقلارین حوقوقلارینی قوروماقدی

دوغایا، چئوره یه صاحاب چیخماقدی

حایوانلارا مئهریبان اولوب

 ایتلرین اؤلدورمه سینه قارشی دورماقدی

ایستیقلال آغیلسیزین الیندن قورتولماق دئییل

اؤزگور بیر اؤلکه قوروب

باشقا بیر ساوادسیزا قول اولماق دئییل

ایستیقلال اؤز بئینینی ساوادلاندیریب

دوشونجه لرینه پادشاه اولماقدی

ایستیقلال جوغرافییانداکی سرحدلرین چیزیلمه سی دئییل

قافانداکی سرحدلرین سیلینمه سیدی

ایستیقلال قفسین قاپیسی آچیلماق دئییل

آچیلان قفسدن اوچمایا قانادین اولماسیدی

Share/Save/Bookmark