اوْدلانمیشا بیر شام کیمی 

اریيرم قۆربت ائله ده 

درده سالیب فلک منی   

گؤز ياشلارین سیلن هانی؟   

کؤرپه قۇزويدیم، آيیردیلار   

منی آنا سینه سیندن!   

منن، آنا آرسینا   

بیر آنلاماز ایت قوْيدولار.   

سۆلوق گۆلشن    

جننت باغی   

هر ایکیسی بیردی منه   

داغ دؤشونده من ایسترم   

بیر من اوْلام    

بیرده آنام.   

گۆلشن سنون   

گۆللر سنون   

جننت باغی   

گؤيلر سنون.   

هجر اوْدوندا يانان وطن   

آغلار گؤزلر   

باغلی قوْللار   

سۇسوز قالان    

يئرلر منیم.   

من فلکدن نه ایسته دیم   

ترسه يازدی يازلاری.؟ 

ياندی الله وئرن وطن 

ياساق دۆشدی 

آنا دیلی. 

ال بیر اۇلاق يئللر کیمی   

بۇلودلار دا قوْل قۇلا بیز   

آغلاساق دا    

ياغیش اۇلاق، 

دامجی اۇلاق 

دۆشک يانمیش باغلار بیز.