"ایلغیم"- ماحموددالغا

گؤزلری سیلمه یه ،

دامجی،دامجی یاش

اوره یی سیلمه یه،

بیر ایکی سؤز وار.

حسرتدن دوشموشم

ایلغیم باغلارا

شورالیق یئرلی،

سیلمه یه نه وار.؟

دوزلودور گؤزلرین،

دوداغین کیمی

چاتداییب اوره یم،

تیکمه یه نه وار.؟

بخت ور اولاسان،

آی بالا سنی

آنامین گوندلیک،

سؤزو دی منه.

بخت ور اؤلکه دن،

آیری دوشموشم

آیریلیق ایپلرین،

کسمه یه نه وار.؟

منیم ده کؤنلومه،

سئوگی لر دوشور

آغزیمدا سئوگولو

سؤزلریم بیتیر.

سنین "دوست دارم"ین

هامی لار بیلیر

منیم سئودوگومی

بیلمه یه نه وار.؟

Share/Save/Bookmark