خلیل ریضا شعر توپلوسو: آزادلیق- چئویره ن آیدین یئنیلمز

خلیل رضا، اصلینده شاعیر ده ییل! خلیل رضا، تاریخ دیر، ادبیات دیر، کولتوردور، خلیل رضا درد قایناغی دیر، غئیرت، ساواش قایناغی دیر.

بو کیتابی اوخودوقجا، خلیل رضانین تاریخی نئجه آچیق- آیدین تصویره چکدیغی گؤرونور. خلیل رضانین شئعرلرینده، تاریخ وار. او، شئعرلري ایله، تاریخی یازمیش و تورك میللتینه اولان ظولم لري شئعرلریله یازمیش و بیزلره چاتدیرمیش دیر. بو شئعرلر و بو تاریخ اونوتولمایاجاق دیر.

خلیل رضا، ادبیات دیر. خلیل رضانین شئعرلرینی اوخودوقجا، تورك ادبیاتی نین نه قدر زنگین اولدوغونو گؤروروك. خلیل رضا بیر سؤز صرافی اولان شاعیر، سؤز ده نیزي نین اوستاسی دیر و سؤزلري نئجه ایشله ده جیینی چوخ یاخچی بیلیر.

خلیل رضا، بیزیم کولتورموزدور. او، بیر درد قایناغی دیر. هامی نین دردینه یانان بیري دیر. غئیرت دن بوغاز داماري شیشن بیري دیر و بونلاري شئعرلري له بیزه گؤستریر. خلیل رضانین گؤزونده،

ساتقینا و قورخاغا یئر یوخ و هر زامان، اونلاردان کنار اولماغی و اونلارین اوزونده کی ماسکه لري چکیب سالماغا و اونلارین چیرکین اوزلرینی گؤسترمه یه چالیشیر. خلیل رضا، دئوریم چی شاعیر اولاراق، وطن اوغروندا نئجه ساواشماغی دا اؤیره دیر. او زیندان دان هئچ قورخماییب و ایللرینی بو یولدا قویموش بیر اینسان دیر. خلیل رضا، غئیرت، شرف قایناغی دیر.

او، هر زامان دوشمن قارشی سیندا سینه سینی اؤنه وئریب، مظلوم دیر. او اودلار « آذربایجان » ، لاردان دفاع ائتمیش دیر. خلیل رضا یوردونون اونودولماز غئیرت، شرف و دئوریم شاعیري اولاراق آنیلاجاق دیر.

خلیل رضانین شئعرلرینی اوخودوقجا، بونلارین هامیسی آچیق گؤزله گؤره بیلیریک. اودا بونلاري بیزه گؤسترمک و یاشاییشیمیزدا اونلار باغلی قالماغیمیزي ایسته ییر. بیز، موباریزه یولوندا، خلیل رضانی اؤزوموزه اؤرنک توتاراق، آددیملامالییق. یاشاسین آزادلیق،

یاشاسین خلیل رضا.

کیتابی بو لینکده ن آلابیلیرسیز:

http://azoh.info/index.php?option=com_jdownloads&Itemid=27&view=viewdownload&catid=2&cid=1960

Share/Save/Bookmark