دیرلی سویداش‌لار!

22 مای 2006-جی ایلده ایران آدلانان مکاندا میللتیمیزین فارس شووینیست و آغا‌لیق رئژیمی طرفین‌دن آشاغیلانماسی و تحقیر ائدیلمه‌سینه اعتراض اولا‌راق گونئی آزئربایاجاندا تورک اولوسوموزون آیاقلانماسین‌دان و کئچیریلن آکسییا‌لارا‌دان 5 ایل کئچیر. میللتیمیز بو آیاقلانما ایله اؤز تورک میللی کیم‌لیگینه صاحب اولماسینی و بیر میللت اولا‌راق وارلیغینی هدف آلان هئر بیر ایفاده، تحقیره قارشی اولدوغونو ایسباتلامیش اولدو. بونونلا علاقه‌دار اولا‌راق آشاغیدا آدلارینی چکدیگیمیز قوروم‌لار 22 مای 2011 تاریخینده ایسوئچن گؤتئبورگ شهرینده یوروش-میتینق کئچیرمیی پلانلاییرلار. یوروس-میتینق شهرین مرکزی کوچه‌لردن کئچمکله، بو تحقیر، آشاغیلامایا یوخ دئمکله و اؤز میللی حاق‌لاریمیزی طلب ائتمکله کئچیریله‌جک‌دیر.

یوروش-میتینقین چاغی : 13.00-14.00-دک مرکزی کیتاب‌خانانین قارشی‌سین‌دان، گؤتئبورگ گؤتئپلاتسئن-دن باشلایا‌راق، برونسپارکئن کوچه‌سین‌دن یوروش-میتینقین قطعنامه‌سی‌نین اوخونماسی ایله باشا چاتا‌جاق‌دیر.

یوروش –میتینقین تشکیلاتچی‌لاری:

گادپ (گونئی آذربایجان دئموکرات پارتیاسی(

گاموح (گونئی آذربایجان میللی اویانیش حرکاتی (

آذوح (آذربایجان اؤیرنجی حرکاتی(

اوغوزلار قروپو

خاتیرلاداق کی، یوروش-میتینقدن سونرا 22 مای اولای‌لاری ایله باغلی علمی کونفئرانس کئچیریله‌جک‌دیر.

کونفرانسین کئچیریلمه چاغی: 16.00

Göteborg Östra Fjällvögen 1-Sävedalen 43362.