:سئوگیلی تورکمن ائلی خالقی،

عراق مجلیسینین آلدیغی قرار ایله عراق تورکمنلرینین میللت ستاتوسو الده ائتمه سی و اولکه ده اصلی عنصر اولاراق تانینماسی گونئی آزربایجان تورکلرینی سئویندیریب و بؤیوک موتلولوغونا وسیله اولوبدور. عراقدا یاشایان تورکمن ائلی خالقینین اوزون ایللردن بری اسیرگنن بو حاققینی الده ائتمه سی ساده جه عراقلی تورکمنلرین دگیل بوتون تورکلرین و او جومله دن گونئی آزربایجان تورکلرینین بیر باشاری و قازانیمیدیر. عراق تورکمنلری ایله عینی قدر و آجیلاری پایلاشان گونئی آزربایجان تورکلری هر زامان تورکمن ائلینین دوروم و گلیشمه لرینی یاخیندان ایزلییب و تورکمن قارداشلاری ایله کؤنول بیرلیغی یاپیبدیر. عراق تورکمنلرینین اوزونتوسو ایله اوزولن، سئوینجی ایله سئوینن گونئی آزربایجان تورکلری بوگون ده تورکمن قارداشلارینین غرور و موتلولوغونو سئوینجله قارشیلاماقدادیر.

بیز، آزربایجان میللی دیرنیش تشکیلاتی اولاراق تورکمن ائلی خالقینین بو باشاری و قازانیمینی اورکدن قوتلاییر، بو ظفرده امگی اولان هرکس باشدا سایغی دگر تورکمن میللت وکیللرینی تبریک ائدیر و تانریدان تورکمن ائلینین باشاریلارینین دوامینی دیله ییریک. اوموروق کی کؤنول و امک بیرلیگیمیزین سایه سینده تورکمن ائلی ایله بیرلیکده بوتون اسیر تورک توپلوملاری او جومله دن گونئی آزربایجان و دوغو تورکیستان تورکلری ده اؤزگورلوکلرینه قاووشوب میللی حقوقلارینی ائلده ائدرلر. آزربایجان میللی دیرنیش تشکیلاتی اولاراق دا او گونه قدر میللی موجادیله میزی دوام ائدجگیمیزه سؤز وئریریک.

تورکمن ائلی تورکلرینه سلام و سئوگیلرله،

آزربایجان میللی دیرنیش تشکیلاتی

گونئی آزربایجان