دؤکتور رئوف دئنکتاشین اؤلومو ایله باغلی گونئی آذربایجان قورتولوش پارتیاسینین بیلدیریشی!
یاشامینی اولوسال کیملیک و اینسانلیق اوغروندا سورن اولو بیر تورکو ایتیردیک. دؤکتور رئوف دئنکتاش ۸۷ یاشیندا ایکن، ۲۰۱۲.۰۱.۱۳ گونونده اؤمرونو سونلاندیردی. دئنکتاش تورک دونیاسینین یئتیشدیردیگی ان اونلو اؤندرلردندیر. او، گنج چاغلاریندان قیبریسده یاشایان تورک توپلومونون روم کسیمی طرفیندن آسیمیله سیاستینه قارشی چیخاراق بؤیوک بیر اینسانلیق ساواشینا ال ووردو. قیبریس تورکلوگونون اریتیلمهسینه قارشی سسسیز قالامایان دئنکتاش، فازیل کوجوک کیمی تانینمیش تورک اؤندرلریله بیرلیکده اؤز اولوسونون آیاقدا قالماسی اوچون اولوسال موجاقدیلهیه قالخدی.
۱۹۲۴.جی ایلده آنادان اولان دئنکتاش ۶ یاشیندا ایستانبولدا ائییتیمه باشلادی. ایلک، اورتا و یوکسک ائییتیمینی تورکیهنین چئشیتلی ائییتیم مرکزلرینده بیتیردی. او، یوکسک لیسانسدان سونرا لندن ده دوکتورلویونو آلدی. ۲۴ یاشیندایکن ایلک اولوسال قالخیشمانین اؤن سیرالاریندا یئرلشدی. همین میتینقدن سونرا دئنکتاشین تورک توپلومو ایچینده یوکسلیشی یئنی یاشامایا آیاق قویدو.
او، ۱۹۷۰.جی ایلده قیبریس تورک جماعاتینین باشقانی سئچیلدی. ۱۹۸۳.ایلده قوزئی قیبریس تورک جومرورییتینین ایلک جومهور باشقانلیق سئچیمینده ان اوستون اویا ییهلنهرک جومهور باشقانی سئچیلدی.
۲۰۰۵.جی ایلدک دفعهلرله جومهور باشقانی سئچیلن دئنکتاشین، همین ایلدن سونرا رسمی پولیتیکا دونیاسیندان امکلی اولدو. دئنکتاشین سیاست دونیاسیندان باشقا گئنیش آلانلی یازیلاری و سوسیال-حقوق چالیشمالاری اولموشدور. ۱۹۴۱.جی ایلده ایلک کیتابینی بوراخان دئنکتاشین ۵۰-یه یاخین کیچیک-بؤیوک کیتابلاری بولونماقدادیر.
رئوف دئنکتاش، بوتون عؤمور بویو تورک وارلیغی اوغروندا موجادیله ائتدی.. سؤزسوز کی، دئنکتاشین آدی و قویدوغو اولوسال ارثینی اولو تورک میللتی هئچ بیر زامان اونوتمایاجاقدیر. یولو گئدرلی اولسون. تورک میللتینین باشی ساغولسون.
گونئی آذربایجان قورتولوش پارتیاسی
یؤنتیم قورولو