گونئی آذربایجان قورتولوش پارتیاسی‌نین گؤروشو: ایران آدلانان دؤولتین پارلامئنت سئچیم‌لری (2
ایران آدلانان راسیست دؤولتین پارلامئنت سئچیم‌لری و ایشغال آلتیندا اولان گونئی آذربایجان سورونو ایله باغ‌لی (2
:تورک سسوئرن‌لری
آرتیق کیم‌لرین آدای‌لیغی‌نین آغا‌لار طرفین‌دن قبول اولوب-اولمایاجاغی بل‌لی‌دیر. بیرینجی بؤلومده بیر تورک آدایی‌نین نلری دوشوندوگونو و ندن دوشوندوگونو آچیقلامیشدیق. بو بؤلومده اوزوموزو میللتیمیزه توتاجاییق. بیلدیگینیز کیمی، “آذربایجان تورک میللتی” اولا‌راق گئد-گئده اؤز یولوموزو، اؤز دایانیشما آنلاییشیمیزی الده ائدیریک. بو ایسه، بیزی بیر اولوس اولا‌راق تانیملاتیر. هئچ قوشقوسوز کی، آذربایجان تورک‌لوگونون تاریخ بویو یاراتدیغی چئشیدلی اویقارلیق‌لاری بؤلگه خالق‌لاری‌نین هئچ بیری یارادا بیلممیش‌دیر. بئله بؤیوک و اولو تاریخین واریس‌لری اولان بیزلرین ایندیکی دورومو ائله آجینا‌جاق‌لی بیر توولو اورتایا قویموش‌دور کی، سانکی تاریخ بویو بئله بیر میللت اولمامیش‌دیر اصلا!
عزیز سویداش، دورومو بیر داها دوشونمه‌لی، بیر داها سال-چیخ ائتمک گرکیر. سؤز کیچیک بیر توپلوم‌دان و یا 5-10 مین‌لیک بیر ائتنیک قوروپ‌دان گئتمیر. سؤز، ایران آدلانان بیر اؤلکه‌نین یاری نوفوسون‌دان – آذربایجان تورک میللتی،ندن گئدیر. او میللت‌دن کی، 90 ایل بون‌دان اؤنجسیندک بو تورپاق‌لار اوزرینده اؤزگه قوش اوچورمامیش‌لار. اؤز میللتیله یاناشی بوتون خالق‌لارین میللی کیم‌لیگینی، میللی گلنک‌لرینی، میللی حاق‌لارینی، اؤزل‌لیکله میللی دیل‌لرینی قوروموش، ایرلیلتمیش‌دیر. بیز، او میللتین ائولادلاریییق. بس بوگون بیزلره نه گلیب‌دیر؟ ندن اؤزوموزدن قات-قات آز یئتگین، آز ائتگین میللتین قارشی‌سیندا هر تورلو اوفاقلیغا بویون ایمکدییک. ندن تئهرانین پانفارسیست موللا حاکمیتی‌نین اویون‌لارینا گلیریک.
واختییلا خومئینی‌نین موجاهیدلره قارشی آنلام‌لی بیر دئییمی اولموش‌دور. او، اؤز بالا‌لاری‌نین اطاعت‌سیزلیگینی گؤرونجه دئمیش‌دیر کی، “بو مونافیق‌لر نه یاپیل‌لارسا یاپسین‌لار، آنجاق گونده‌لیک 17 رکت نامازلاریندان قالماسین‌لار!” ایندیسه، اونون سلف‌لری آذربایجان‌لی‌لار حاقیندا دئییرلر کی، اونلار نه یاپیل‌لار یاپسین‌لار آنجاق ایران آدینا سئچیم ساندیقلاریندان اوزاقلاشماسین‌لار!
عزیز اولوسوموز!
سیز گئچمیشده ده گؤستردینیز کی، بو راسیست رئژیمه قارشی نیفرت پوسگورورسونوز. سیز، 2006-جی ایلین مای آییندا میللت آدینا، تورک میللتی آدینا میلیونلوق میتینگ‌لر یولا سالا‌راق نه قدر بؤیوک، مودئرن، دئموکرات و اؤز آنادیلینه دایانان بیر دونیا توپلومو اولموسونوز. آنجاق، سیزی بو حاق‌لی ایستک‌لری‌نین قارشیلیغیندا قورشون یاغیلدی. راسیست رئژیمین میللی دوشمنیمیز اولدوغو آفتامات‌لار لوله‌سین‌دن اؤزونو گؤسترمیش اولدو. بو اؤلکه‌ده تورک-فارس گرچیی بیر داها اؤزونو گؤسترمیش اولدو. و بوگون بو گرچک‌لیک‌دن یولا چیخا‌راق اورتادا اولو بیر ”آذربایجان تورک میللتی” و ”گونئی آذربایجان میللی حرکاتی”واردیر. بو گرچک‌لیک بوتون باسقی‌لارین ترسینه بؤیوگور و دونیا کورسل‌لیگینه یول تاپیر. آرتیق ایران آدلانان بیر دؤولتین گلجیی سؤز قونوسو اولونجا آذربایجان فاکتورو گؤز اؤنونه سریلیر. چونکی، اورتادا اسارت‌دن قورتولوش موجادیله‌سی آپاران 40، 000000-نا یاخین‌لاشان بیر گونئی آذربایجان فاکتورون‌دان واز گئچمک اولماز! بئله بیر دورومدا ایران آدلانان اؤلکه پارلامئنتی‌نین سئچیم‌لری ارفسیندییک. بو سئچیم‌لری‌نین ان آز سس اورانی یئنه ده آذربایجاندا اولاجاغینا اینده‌دن کسین گؤزله باخیلابی‌لر. بو دا سئویندیریجی‌دیر. آنجاق، یئترلی دئییل، اصلینده ایشغال آلتیندا اولان آذربایجانیمیزین بو سئچیم‌لرله نه ایشی اولابی‌لر! آذربایجان‌دان سئچیلن دیل‌سیز-آغیزسیز، کؤللنمیش میللت وکی‌لی‌نین پانفارسیست-فوندامئنتالیست پارلامئنتیده نه ایشی اولابیلرکی! لاکین، دوروم تام دیلدیگیمیز اولمادیغینا گؤره، ان آزین‌دان سس وئرمه‌یه کؤنول وئرن آز سای‌لی سویداش‌لاریمیزا بیر نئچه سورو وئرمک ایستییریک:
1. 1979 –جو ایل ایسلام دئوریمین‌دن سونرا، اؤزونو اوممتچی گؤسترن یئنی رئژیمین آنایاساسی یازیلدی. آنایاسانین آنتی دئموکرات و اورتاچاغ روحو ایله یاناشی تمل‌لی بیر فارس پلاتفورما اولماسی دا، آچیق-آیدیق اؤزونو گؤستردی. آنجاق، همین آنایاسادا فارس اولمایان میللت‌لره میننت قویولوب بیر 15 نومره‌لی مادده ده آرتیریلدی. بیز، 8 دؤنم ان آزین‌دان بو بندین ایجراسی اوچون مج‌لیسه میللت وکی‌لی یوللادیق، ایندی ایسه، 9-جو دؤنم‌دیر. “کؤهنه هامام، کؤهنه تاس”! دوغرودان بو درجه سادلؤه اولماق یئتمزمی؟ بیز، نه زامانادک فارس شووینیزمی‌نین دوزاق‌لارینا یئم اولاجاییق؟ بو گئریچی رئژیمین چاغداش آذربایجان تورک‌لوگونه قاران‌لیق دونیا‌دان باشقا وئرجیی یوخ‌دور. ندن، بیر آذربایجان تورکونون سسی دوشمن رئژیمین لئقئتیم‌لیگینه یاردیمچی اولما‌لی‌دیر؟
2. اورمو گؤلو،نون دونیاجا آدی-سانی واردیر. اونون بول دوغاسی، مینبیر درده درمان سویو، اؤزل گؤزل‌لیگی بو وحشی رئژیم اوچون دؤزولمزدیر. بو دوشمن رئژیم، آزربایجانین بو وارلیغینی تورک میللتی‌نین باشینا چئویرمک یولوندا علین‌دن گلن پیس‌لیک‌دن قاچینماییر. اؤز ائوینی چئوره فلاکتینه قوربان گؤروب، اعتراضا قالخان مین‌لرجه وطنداشیمیزی ان آغیر باسقی‌لارا معروض قویور. دونیاجا منفور اولان بئله فاشیست رئژیمین پارلامئنتیله تورک اینسانی‌نین نه باغلانتی‌سی اولابی‌لر؟
3. قویاق کی، ”بیز ایرانلیییق ویا ایراندا یاشاییریق” دین‌لر ده اولسون‌لار. بودا دوغرو، آنجاق بو وطنداش‌لارا دا دئمک لازیم‌دیر کی، 9-جو پارلامئنتین لیسته‌سی ایندی‌دن بل‌لی‌دیر. سیزین کیمی دوشونن‌لرین سسی ساده‌جه دونیایا تئاترو گؤسترمک اوچون‌دور. سیز، ساده‌جه بو رئژیمین ایچ اویون‌لارینا آلت اولماق اوچون ساندیق باشینا گئدجکسینیز. او مجلیسده بیر نفر اولسون بئله، ایراندا یاشایان میللت‌لرین وکی‌لی اولمایا‌جاق‌دیر. سیز نئجه دوشونورسونوز؟
4. سیز، هئچ اؤزونوزون دردینیزله، فارس‌لارین دردینی قارشی-قارشییا قویدونوزمو؟ اونلارین ایستیی نه، بیزیم ایستییمیز نه دئدینیز هئچ؟ بیز، فارس‌لارین مه،دسینده ساخلانیلان کیلیدلنمیش آغیزیمیزین آچارینی آلماق ایستییریک، آنلار ایسه، بو آچارین داها درین‌لرده گوممه‌سینی ایستییرلر. بیزیم دردیمیزین آدی فاشیزمه یوخ دئمک‌دیر. اونلارین دردی ایسه بیزی فاشیزمه قوربان ائتمک‌دیر. بو فاشیزم مبلم-لی ساندیغا یاخینلاشارکن اؤزونون یوخسول‌لوغونو بیر فارسین علینده اولان ایمکان‌لاری ایله قارشی-قارشییا قویابیلچکسچ؟
5. تبریز، اورمو، اردبیل، خوی، ماراغا، تئهران، زنگان، کرج وووه زین‌دان‌لاری میللتیمیزین ان گؤزل بالالارییلا دولودور. هئچ دوشوندونمو کی، ندن بو گنج‌لریمیز رئژیمین زین‌دان‌لاریندا‌دیر؟ بون‌لارین سوچو ندیر؟ فارسچی رئژیمین بون‌لارا قارشی اورتایا قویدوغو نیفرتین کؤکو هاردا‌دیر؟ هئچ دوشوندونوزمو، ندن بو ایگیدلر، زین‌دان‌دان چیخار-چیخماز آیلوی اؤلومه یاخا‌لانیرلار؟ چونکی، بون‌لارین سیزین ائولادلارینیزدیرلار. بو آیدین، ییلماز و آنتی‌فاشیست گنج‌لرین دردی میللت دردی و سیزین دردینیزدیر. سیز، ایشغالچی رئژیمین ساندیق‌لاری باشینا گئدرکن هئچ بون‌لاری دوشونجکسنمی؟
6. فارسچی رئژیمین آذربایجان تورک‌لرینه قارشی اؤنجه‌دن یازیلمیش بیر داوا سسئناریوسو واردیر. او دا جاسوسلوق سوچودور! رئژیم اوچون بوتون آذربایجان تورک میللتی جاسوس‌دور. آذربایجان، تورکییه، آمئریکا و ایسرایل جاسوسو، میللتیمیزین فارسچی فاشیست‌لر طرفین‌دن دیکته اولونموش سوجودور. سؤزسوز کی، میللی ایستک‌لر درینلشدیکجه، بئله سوچلاما‌لارین دا دوزاسی چوخالا‌جاق و میللی ایستیقلالیمیزین گونوندک سوره‌جک‌دیر. سیز، ساندیغا گئدن زامان فارسچی رئژیم طرفین‌دن جاسوس سوچو ایله اوزلشدیگینیزی دوشونجکسینیزمی؟
7. بلکه، فوتبولو سئویرسینیز، بلکه ده سئومیرسینیز. آنجاق، ائوینیزده ان آزین‌دان بیر قیزینیزین و یا اوغلونوزون فوتبول فاناتی اولماسی احتیمالی چوخ‌دور. چوخ گومانکی اوشاغینیزین توتدوغو تاکیم، %99 آذربایجان تاکیم‌لاری‌نین بیرینی‌دیر. بئله اولان دورومدا اؤزونوزدن سوردونوز کی، ندن منیم ائولادیمین فوتبول سئومه طرزیله فارس‌لارین فوتبول سئومه فورمو بیر-بیرینه بنزمیر؟ اؤرنک اولا‌راق ندن بیر تیراکتور فانسی‌نین شواری‌نین تملینی میللی سورون‌لار اولوش‌دورا‌راق، دیله، وطنه، اولوسال کیم‌لییه، اورمو گؤلونه سئوگی یاغمورو یاغیر. اما فارس تاکیم‌لاری ایستیقلال و یا پئرسپولیس اویون‌لاریندا ناموش سؤیوشون‌دن توتموش باشقا میللت‌لرین آشاغیلانماسینا عایید شوارلار وئریرلر؟ هئچ دوشوندونوز کی، ندن آذربایجان تورکونون وئردیگی شوارلارین یانیتی سویوق زین‌دان‌لاردا ایشکنجه‌دیر، لاکین، تئهران‌لی سئوگی‌لی‌لرین ائتیکا‌سیز و اخلاق‌سیز شوارلارین جوابی ساده‌جه بیر” جوجوق‌لار بیراز یاواش لطفاً”دیر؟
8. عزیز وطنداش، سیزین اردم و شخصیتینیزین فاشیت رئژیمین ساندیق‌لاریندا گیزلنمه‌سی هر کس‌دن چوخ 2006-جی ایلدن جان‌لارینی سیزین یولونوزدا وئرن میللی شهیدلریمیزین روحونو عذاب وئریر. سیزین شرف و ناموسونوز دیلینیزدیر، میللی کیملیگینیزدیر، تورکلوگونوزدور. بو فاشیست پارلامئنتین ان بؤیوک گؤروی ایسه، سیزین وارلیق‌لارینیزی چالیب، یوخ ائتمک‌دیر. سیزین هر بیر سسینیزین دیری دوشمنیمیزه خیدمت، میللتیمیزه ایسه خیانت‌دیر. بونو بیلر بیلمز ائدیرسینیز، آنجاق یاپدیغینیز یالنیشلیغین ایچریگی خیانت‌دیر. بونو دوشونون.
9. رئژیمین آذربایجان دویارلیغی دانیلمازدیر. آذربایجان‌دان وکالت سلاهیتی آلان میللت وکی‌لی کسین‌لیکله آنتی‌تورک، آنتی‌آزربایجان، فوندامئنتالچی سیاسی شیعه و هئچ قوشقوسوز فارسچی رئژیمین آندلی قولو اولما‌لی‌دیر. بونون دیشیندا بیر تورکون پارلامئنته گیرمه‌سی مومکون دئییل. بئله شخصین گله‌جکده آذربایجان تورک محکمه‌سینده خیانت سوچو ایله یایقیلانماسی قاچیریلمازدیر. او، میللتینه، تورپاغینا، اؤز آناسودونه خیانتده اتهام‌لانا‌جاق‌دیر. اونا سسوئره‌نین ده، سوچ‌سوز اولماسی مومکون دئییل‌دیر. ویج‌دان هر بیر اینسانین اؤزل محکمه‌سی‌دیر. گلین ساندیق باشینا گئتممییمیزله ”آچیق اولوسال ویج‌دان” گؤرونتوسو سرگیلیک.
سونوج
بوتون آچیق-آیدین ندن‌لره گؤره، ایران ایسلامی مج‌لی‌سین 9-جو دؤنم سئچگی‌لرین دورومو گئچمیش‌لردن تام دییشیک اولا‌جاق‌دیر. گئچن 4 ایلدن ایندییه چوخ شئی دییشیب‌دیر. دونیا، بؤلگه، اؤلکه ایچی هر گون دییشن فاکت‌لار گؤزه دییر. فارسچی رئژیمین قابادایی‌لیق میدانی دارالیر. دییشیم سیقنال‌لاری رئژیمین قاپی‌سینی چالیر. عرب باهاری آدی آلتینداکی سوسیال-سیاسال پاتلاما‌لارین سون آماجی کیمی ایران گؤستریلیر. رئژیمین نووا سسئناریوسو آرتیق اؤلکه ایچی پارامئتره‌سینی الدن وئریر. رئژیم، 32-ایللیک تاریخی‌نین ان شدت‌لی اوچورومونا دوغرو گئدیر. باتی طرفین‌دن پئترول آمبارقوسونون گئدیشاتی ایله فارسچی رئژیم داها دا چوخ روسیا-چین چتیری آلتینا سیغینیر. رئژیم ایچی خامئنئیی-اهمدینژاد ضدیتی درینلشیر. فیلیستین(قززه)، لوبئنانین گون گئچدیکجه تئهران کونترولون‌دان چیخماسی قاچیریلمازلاشیر. بششر اسد سوریاسی‌نین اؤمرو آزالیر. بیر گون ایسلام دویاسی‌نین آغابی‌لیگینی ادعا ائدن شیچی-فارسچی ایسلام رئژیمی‌نین بیچاغی آرتیق گوتلیر. بون‌لارا رئژیمین ان بؤیوک ایچ قارشیتینی – باشدا آذربایجان اولماقلا آنتی‌فارس-آنتی‌پانیرانیست- دا آرتیرارساق دورومون نه قدر دییشکن اولدوغو گؤرونه‌جک‌دیر. بون‌لارلا یعنی-سیرا بو دؤنم ایران پارلامئنت سئچیم‌لری‌نین ایکی اؤزل‌لیگی ده گؤزاردی اولماما‌لی‌دیر. بو ایکی اؤزل‌لیک بون‌لاردیر: آ) 32 ایللین تام خالص پارلامئنت. ب) 32 ایللین تام گوج‌سوز پارلامئنتی. اوندان اؤترو خالص کی، بو کز رئژیمین ایسلاهاتچی، لیبئرال و حتی یاریم موهافیزکار کسیمی‌نین ده مج‌لیسه گیرمک شانسی قالمامیش‌دیر. خامئنئیی‌نین بیرباشا دخالتی آلتیندا اولان 9-جو مجلیسده اهمدینژادا یاخین اولان کسیمین بئله، سئچیلمه شانسی دارالمیش دورومدا‌دیر. و اونا گؤره، گوج‌سوز کی، پارلامئنتین خامئنئیی قارشی‌سیندا ازگین دورومو، بوتون دؤنم‌لردن داها کسکین اولا‌جاق‌دیر. بو ایسه، پارلامئنتین ساده‌جه فیقور اولماسینی، ایراده‌سیزلیگینی و تک سس اولدوغونو اورتایا قویا‌جاق‌دیر.
2012-03-02(1390-12-12) پارلامئنت سئچگی‌لری بئله بیر آتموسفئرده گئچیریلجج‌دیر. آزربایجانین بئله بیر آتموسفئردن یارارلانما فورصتی اولا‌جاق می؟ بو فورصتین قاچیریلماسی آذربایجان اوچون نلرین قاچیریلماسی دئمک‌دیر؟ بو کیمی سورغولار چوخ‌دور. بو دورومدا آذربایجان و تورکییه جومهوری‌لری‌نین رولو نه اولا‌جاق‌دیر؟ گونئی آذربایجان میللی حرکاتی‌نین اؤز قارداش‌لاری طرفین‌دن قورونماسی یئنی بیر آشامایا گیرجکمی، یوخسا گوج، ائهتیراس، دیمه منه-دیمییم سنه اویون‌لاری یئنه ده آذربایجان تورک‌لوگونون باشی اوزرین‌دن چکیلمه‌یه‌جک‌دیر؟ آذربایجان تورک میللتی‌نین بو سئچیم‌لرده نه اؤلچوده ایشتیراک ائتمه‌سی بیر چوخ سورغونون یانیتی اولا‌جاق‌دیر. آن با آن ایره‌لییه‌ین، اولوسال یوکسلیشه واران اولو میللتیمیزین بو سئچیم‌لره گئتممه‌سی گؤرونمکده‌دیر. میللتیمیزین اورتایا قویاجاغی میللی-سیاسی ایراده‌سی‌نین هانسی آشامادا اولماسینی 12 ایسفند گونونده بوش گوچه‌لر گؤستره‌جک‌دیر.
گونئی آذربایجان قورتولوش پارتیاسی
سیاسی بؤلوم
